મર્ડર / નાનાભાઇ સાથે કઢંગી હાલતમાં જોઇ જતાં પતિએ પત્નીના ગુપ્તાંગ પર છરીના ઘા ઝીંક્યા, ગોંડલના દેવચડી ગામનો કાળજું કંપાવતો બનાવ

• ગોંડલ તાલુકાનાં દેવચડી ગામે પરપ્રાંતિય મહિલાની હત્યા
• નાનાભાઈ સાથે રંગરેલીયા મનાવતા જોઈ જતા પત્નીને ઉતારી મોતને ઘાટ
• ગોંડલ પોલીસે હત્યારા પતિની ધરપકડ કરી આગળની કાર્યવાહિ હાથ ધરી

ગોંડલ તાલુકાનાં દેવચડી ગામે રહેતી પરપ્રાંતિય મહિલાને વહેલી સવારે તેનાં પતિએ ગુપ્તભાગ પર તથા અન્ય જગ્યાએ હથિયાર વડે આડેધડ મારી મહિલાને મોતને ઘાટ ઉતારી દીધી હતી. જે બાદ બપોરે સાસુ સસરા દ્વારા તેણીને તાવ આવવાથી મોત નિપજ્યું હોવાનું જણાવી  મૃતદેહને ગોંડલ સિવિલ હોસ્પિટલ ખાતે લઈ ગયા હતા. ત્યારે આ બાબતે શિવમ સાર્વજનિક ટ્રસ્ટરનાં પ્રમુખને શંકાસ્પદ લાગતા તેમણે પોલીસને જાણ કરતા પોલીસે હોસ્પિટલ પહોંચી  તપાસ હાથ ધરતા પોલીસે ગુનો નોંધી સ્થળ પર જ હત્યારા પતિની ધરપકડ કરી હતી.

નાનાભાઈ સાથે બે થી ત્રણ વખત રંગરેલીયા મનાવતા જોઈઃ હત્યારો પતિ દીપક
મૂળ મધ્યપ્રદેશનાં વતની અને છેલ્લા પંદર વર્ષથી દેવચડી ગામે ઝુંપડું બાંધીને રહેતા આદિવાસી ચરણભાઈની પોલીસે સઘન પૂછપરછ હાથ ધરતા તેઓએ જણાવ્યું હતું કે, હત્યા દિપકે કરી છે. હોસ્પિટલમાં હાજર દીપકની પોલીસે હોસ્પિટલમાં અટકાયત કર્યા બાદ દીપકની પૂછપરછ હાથ ધરતા તેણે જણાવ્યું હતું કે તેણે તેની પત્નિને તેના નાના ભાઈ સાથે બે થી ત્રણ વખત રંગરેલીયા મનાવતા જોઈ હતી. જે બાદ તેણે ગુસ્સામાં હત્યા કરી હોવાની કબુલાત કરી હતી. ત્યારે પોલીસે ગુનો નોંધી વધુ તપાસ હાથ ધરી છે.