મધ્યપ્રદેશ / ટામેટાના કારણે ઘર ભંગાયું હતું, પોલીસે કરાવ્યું સમાધાન: પતિએ વાયદો કર્યો કે પૂછ્યા વગર શાકમાં નહીં નાંખે ટામેટું

• ટામેટાના કારણે નારાજ પત્ની આખરે માની ગઈ 
• પતિએ ટિફિનમાં ટામેટાં મૂકતાં પત્નિએ કર્યો હતો ઝઘડો 
• ઝઘડા બાદ પત્નીએ પતિનું ઘર છોડી દીધું
• આખરે પોલીસે બંનેને બોલાવી મામલો શાંત પાડ્યો 

મધ્યપ્રદેશના શહડોલથી આવેલા એક રસપ્રદ મામલામાં આખરે સમાધાન થઈ ગયું છે. વાત જાણે એમ છે કે, પતિએ પોલીસ સ્ટેશનમાં પોલીસની સામે માફી માંગી છે કે હવે તે પત્નીને પૂછ્યા વગર શાકભાજીમાં ટામેટાં નહીં નાખે. પતિએ માફી માગતાં જ પત્નીનો ગુસ્સો ઠંડો પડી ગયો. તે ખુશીથી તેના પતિ સાથે ઘરે ગઈ. નોંધનીય છે કે, પતિએ પત્નીને પૂછ્યા વગર શાકમાં ટામેટાં નાખ્યા હતા. આનાથી ગુસ્સે થઈને પત્ની ઘરની બહાર નીકળી ગઈ હતી. પતિએ પોલીસ સ્ટેશનમાં ફરિયાદ નોંધાવી હતી. આ ફરિયાદના આધારે પોલીસે પત્નીને શોધી કાઢી હતી.

ટામેટાને કારણે પરિવારમાં અશાંતિ સર્જાઈ 
મધ્યપ્રદેશમાં દરેક શાકભાજી મોંઘવારીથી ત્રસ્ત છે. શાકભાજી હવે પરિવારોને તોડવામાં પણ ભૂમિકા ભજવી રહી છે. આવો જ એક કિસ્સો ભૂતકાળમાં શાહડોલના બેમહોરી ગામમાં સામે આવ્યો હતો. પ્રાપ્ત માહિતી અનુસાર બેમહૌરીમાં રહેતા સંજીવ વર્મા નાનો ઢાબા ચલાવે છે. તેઓ ટિફિન સેન્ટરનું પણ કામ કરે છે.

ટામેટાંના કારણે ઘર ભંગાયું, પોલીસે કરાવ્યું સમાધાન#Tometo #madhyapradesh #VTVGujarati #VTVCard pic.twitter.com/LNL9ZzYI6i

— VTV Gujarati News and Beyond (@VtvGujarati) July 16, 2023

ટિફિનમાં ટામેટાં મૂક્યા અને પછી.... 
ચાર દિવસ પહેલા સંજીવ વર્માએ પત્નીને પૂછ્યા વગર ટિફિન માટે શાકભાજી બનાવતી વખતે બે ટામેટાં મૂકી દીધા હતા. ટામેટાં ઉમેરતાં જ તેની પત્ની ગુસ્સે થઈ ગઈ. તેણીએ તેના પતિ સાથે ઝઘડો શરૂ કર્યો. રોષે ભરાયેલી પત્ની પતિને વારંવાર કહેતી હતી કે, તમે શાકમાં ટામેટાં કેટલા મોંઘા થયા તે પૂછ્યા વગર કેવી રીતે નાખ્યા. પતિ-પત્ની વચ્ચે ઝઘડો એટલો વધી ગયો કે પત્નીએ પતિનું ઘર છોડી દીધું.

थाने में युवक ने पत्नी से मांगी माफी
- बोला, अब बगैर पूछे सब्जी में नहीं डालूंगा टमाटर
- बिना पूछे सब्जी में टमाटर डालने पर पत्नी ने छोड़ दिया था पति का घर
- पुलिस को बहन के घर मिली पत्नी @ABPNews@abplive pic.twitter.com/LnbvO9SM9T

— Nitinthakur (@Nitinreporter5) July 16, 2023

પતિ પોલીસ સ્ટેશન પહોંચ્યો અને પછી....... 
શાકભાજીમાં ટામેટાં નાખવાના વિવાદ બાદ પત્ની ઘરની બહાર નીકળી જતાં પતિ સંજીવ વર્માએ પોલીસનો આશરો લીધો હતો. પોલીસમાં ફરિયાદ નોંધાયા બાદ પોલીસે સંજીવ વર્માની પત્નીને શોધવાનો પ્રયાસ કર્યો હતો. આખરે પોલીસને સફળતા મળી હતી અને સંજીવ વર્માની પત્ની ઉમરિયામાં તેની મોટી બહેનના ઘરે મળી આવી હતી. પોલીસ સંજીવની પત્નીને શોધીને પોલીસ સ્ટેશન લાવી હતી. તેના પતિ સંજીવ વર્માને પણ પોલીસ સ્ટેશન બોલાવવામાં આવ્યા હતા. સંજીવ વર્માએ પોલીસની સામે જ પોલીસ સ્ટેશનમાં પત્નીની માફી માગી અને કહ્યું કે હવે પૂછ્યા વગર શાકમાં ટામેટાં નહીં નાખે. પતિએ માફી માગતાની સાથે જ બંને વચ્ચેનો ઝઘડો સમાપ્ત થઈ ગયો અને બંને ખુશીથી ઘરે પરત ફર્યા.