મહામારી / વેક્સિન પરથી GST હટાવવાનો નાણામંત્રીએ કર્યો ઇનકાર, આપ્યું આ કારણ

• વેક્સિન પર 5 ટકા અને બીજી સામગ્રીઓ પર 12 ટકા GST
• રવિવારે ટ્વિટર પર જવાબ આપી જાણકારી
• CM મમતા દ્વારા PM મોદીને લખેલા પત્રના જવાબના સંદર્ભે કરી હતી ટ્વિટ  

વેક્સિન પર 5 ટકા અને બીજી સામગ્રીઓ પર 12 ટકા GST
આ પાછળનું કારણ બતાવતા તેમણે કહ્યું કે "જે કંપનીઓ આ સામાન અને દવાઓનું ઉત્પાદન કરી રહી છે, તે લોકોને કાચો સામાન ખરીદતા સમયે ચૂકવેલ GST - ઈનપુટ ટેક્સ ક્રેડિટનો ફાયદો નહીં મળે.  હાલમાં વેક્સિન પર  5 ટકા GST લાગે છે અને કોરોનાની દવા તથા ઑક્સિજન કંસનટ્રેટર્સ પર 12 ટકા GST લાગુ પડી રહ્યો છે. કોંગ્રેસના કાર્યવાહક અધ્યક્ષ સોનિયા ગાંધીએ ગયા મહિને જ કહ્યું હતું કે કોરોનાની સારવાર માટે વપરાતી વેક્સિન, દવાઓ, ઑક્સિજન કંસનટ્રેટર્સ અને બીજી દરેક સામગ્રી પર GST હટાવી લેવો જોઈએ. પશ્ચિમ બંગાળના મુખ્યમંત્રી મમતા બેનર્જીએ પણ આ જ પ્રકારની માંગ કરી હતી. 

રવિવારે ટ્વિટર પર જવાબ આપી જાણકારી
નિર્મલા સિતારમણે GST હટાવવાની માંગણી પર રવિવારે ટ્વિટર પર જવાબ આપતા લખ્યું હતું કે " કે જો વેક્સિન પર લાગુ પડતો GST હટાવી લેવામાં આવે તો વેક્સિન ઉત્પાદકોએ કાચા માલસામાન માટે ઈનપુટ ટેક્સ ક્રેડિટ (ITC) નો લાભ નહીં મળે તેથી તેઓ આ ટેક્સ ગ્રાહકો પાસેથી વસૂલ કરશે. 5 ટકા GST લગાડવાથી ઉત્પાદકોને ITC નો લાભ મળે છે. અને તેઓ રિફંડની માંગણી પર કરી શકે છે. એટલે જો GST હટાવી દીધો તો છેવટે ગ્રાહકોને જ નુકશાન થશે. 

CM મમતા દ્વારા PM મોદીને લખેલા પત્રના જવાબના સંદર્ભે કરી હતી ટ્વિટ  
નિર્મલા સિતારમણે જે પણ ટ્વિટ કરી તેમાંથી 16 ટ્વિટ CM મમતા દ્વારા PM મોદીને લખેલા પત્રના જવાબના સંદર્ભે કરી હતી. હાલ ભારતની સ્થિતિ "હર ઘર કોરોના" જેવી છે. જે દુનિયામાં સૌથી ગંભીર છે. દેશની આરોગ્ય સુવિધાઓ પણ દબાણમાં આવી ગઈ છે. સિતારમણે કહ્યું કે "આ બધો જ સામાન દેશમાં ઉપલબ્ધ થઈ રહે તે માટે આ બધા જ સામાન પર લાગુ પડતી ટેક્સ પર ઘણી છૂટ છાટ આપવામાં આવી છે. સાથે જ આ બધી જ રાહત સામગ્રીના પરિવહન પર લાગતાં ટેક્સ પર પણ છૂટ આપવામાં આવી છે.