બજેટ 2024 / ટેક્સના માળખામાં કોઈ બદલાવ નહીં, તો પણ એક કરોડ કરદાતાઓને થશે આવી રીતે લાભ

• નાણાં પ્રધાન નિર્મલા સીતારામણે 2024-25 નું બજેટ રજૂ કર્યું
• બજેટમાં કરવેરા સબંધિત કોઈ મોટા ફેરફાક કર્યા નથી
• નાણામંત્રીએ  વર્ષોથી પડતર બાકી પ્રત્યક્ષ કરની માંગણીઓ પાછી ખેંચવાનો નિર્ણય લીધો

 નાણાં પ્રધાન નિર્મલા સીતારામણે તેમના બજેટ ભાષણ 2024 દરમિયાન  કરવેરા સંબંધિત કોઈ મોટા ફેરફારો કર્યા નથી . એક કરોડ લોકોને ટેક્સનો લાભ મળશે કારણ કે નાણામંત્રીએ જૂના કરવેરા સંબંધિત જૂના વિવાદોને ઉકેલવાની દિશામાં મોટી જાહેરાત કરી છે. નાણામંત્રીએ  વર્ષોથી પડતર બાકી પ્રત્યક્ષ કરની માંગણીઓ પાછી ખેંચવાનો નિર્ણય લીધો છે.

શું કરદાતાઓને જૂના વિવાદિત કેસોમાં રાહત મળશે?
નાણામંત્રીની તાજેતરની જાહેરાત કરવેરા સંબંધિત તમામ જૂની વિવાદિત બાબતોમાં કરદાતાઓને રાહત આપશે નહીં. નાણામંત્રીના જણાવ્યા અનુસાર, વર્ષ 1962થી ચાલી રહેલા જૂના વિવાદિત કર સંબંધિત કેસોમાં, 25,000 રૂપિયા સુધીની ડાયરેક્ટ ટેક્સ ડિમાન્ડ સાથે સંબંધિત કેસો જે વર્ષ 2009-10 સુધી પેન્ડિંગ હતા તે પાછા ખેંચવામાં આવશે. તેવી જ રીતે, 2010-11 થી 2014-15 ની વચ્ચે પડતર પ્રત્યક્ષ કરની માંગણીઓ સંબંધિત રૂ. 10,000 સુધીના કેસો પાછા ખેંચવાનો નિર્ણય લેવામાં આવ્યો છે.

નાણામંત્રીના નિર્ણયથી કેટલા કરદાતાઓને ફાયદો થશે?
નાણામંત્રીના જણાવ્યા અનુસાર, જૂના વિવાદોને ઉકેલવા માટે સરકાર દ્વારા લેવામાં આવેલા પગલાથી ઓછામાં ઓછા એક કરોડ કરદાતાઓને ફાયદો થશે. તેમણે કહ્યું છે કે તેનાથી પ્રમાણિક કરદાતાઓને ફાયદો થશે. પ્રત્યક્ષ અને પરોક્ષ કર તેમજ આયાત શુલ્ક માટે સમાન દરો યથાવત રાખવામાં આવ્યા છે. સ્ટાર્ટઅપ અને સાર્વભૌમ સંપત્તિ અને પેન્શન ફંડમાં રોકાણ કરનારાઓને કર લાભો આપવામાં આવશે.

વધુ વાંચોઃ Paytm બંધ થઈ જશે તો FASTag નું શું થશે? તમારી પાસે પણ હોય તો જાણી લેજો, નહીંતર પસ્તાશો

શું નાણામંત્રીની જાહેરાતથી સ્ટાર્ટઅપ્સને પણ ફાયદો થશે?
 નાણામંત્રીએ બજેટ ભાષણ દરમિયાન કરવેરા સંબંધિત કોઈ ફેરફારની જાહેરાત કરી નથી. નાણાપ્રધાને આયાત ડ્યુટી સહિત પ્રત્યક્ષ કર અને પરોક્ષ કરના સંદર્ભમાં કર દરો અગાઉની જેમ જ જાળવી રાખ્યા છે. તેમણે કહ્યું કે સ્ટાર્ટ-અપ્સ અને સાર્વભૌમ સંપત્તિ અથવા પેન્શન ફંડ્સ દ્વારા કરવામાં આવેલા રોકાણો માટેના ચોક્કસ કર લાભો અને ચોક્કસ IFSC એકમોની ચોક્કસ આવક પર કર મુક્તિ 31.03.2024 ના રોજ સમાપ્ત થઈ રહી છે. કરવેરામાં સાતત્ય જાળવવા માટે, આ સમયમર્યાદાને 31.03.2025 સુધી લંબાવવાનો પ્રસ્તાવ છે.