અકસ્માત / વડોદરામાં ફૂલ સ્પીડમાં આવતી કારે એક્ટિવાને ફંગોળ્યું, ઘટના CCTVમાં કેદ, જુઓ VIDEO

• વડોદરાના સુપર બેકરી પાસે અકસ્માતનો મામલો 
• કાર ચાલક મહિલા અને એકટીવા વચ્ચે થયો હતો અકસ્માત
• સમગ્ર ઘટનાના સીસીટીવી કેમેરાના ફૂટેજ આવ્યા સામે

વિકાસની હરણફાળ ભરતા ગુજરાતમાં અકસ્માતની ઘટનાઓમાં પણ દિવસેને દિવસે ચિંતાજનક ઉછાળો આવી રહ્યો છે ત્યારે વડોદરામાં તાજેતરમાં એક્ટિવા અને કાર વચ્ચે ગંભીર અકસ્માત સર્જાયો હતો. જેમાં એકટીવા ચાલકને ગંભીર ઇજા થતાં સારવાર અર્થે ખસેડવામાં આવ્યો હતો. જે આ સમગ્ર ઘટનાના સીસીટીવી સામે આવ્યા છે.

એકટીવા ચાલક રોડ ક્રોસ કરી સામેની બાજુ જતો હતો ત્યારે થયો હતો અકસ્માત

વડોદરાની સુપર બેકરી પાસે કાર અને એક્ટિવા વચ્ચે ગંભીર અકસ્માતની ઘટના સામેં આવી હતી. જેમાં એકટીવા ચાલક રોડ ક્રોસ કરી રહ્યો હતો.આ દરમિયાન બેફામ સ્પીડે આવતી કાર ચાલકે જોરદાર ટક્કર મારી હતી. આ ઘટનામાં કાર ચાલકે સ્ટેરિંગ પરનો કાબૂ ગુમાવી દેતા ફૂલ સ્પીડમાં ચાલતી કારએ એક્ટિવાને અડફેટે લીધી હતી. આ ઘટનાને લઈને આજુબાજુના લોકો અને રોડ પરથી પસાર થતા વાહન ચાલકો દોડી જતા મોટી સંખ્યામાં લોકોના ટોળે ટોળાં એકઠા થયા હોય તેવા દ્રશ્યો સર્જાયા હતા.ત્યારબાદ એકટીવા ચાલકને ગંભીર ઇજા થતાં તાત્કાલિક સારવાર માટે હોસ્પિટલ ખસેડવા સહિતની કાર્યવાહી હાથ ધરવામાં આવી હતી. આ મામલે સમગ્ર ઘટનાના CCTV ફૂટેજ સામેં આવ્યા છે.