માલદીવ વિવાદ / ભારત વિરૂદ્ધ આપત્તિજનક ટિપ્પણી કરવી માલદીવને ભારે પડી, તમામ ફ્લાઇટ્સનું બુકિંગ EaseMyTripએ રદ કર્યું

• પીએમ વિરુદ્ધ વાંધાજનક ટિપ્પણીનો મામલો હજુ ઠંડો પડતો જણાતો નથી. 
• ભારતની આ ટ્રાવેલ કંપનીએ માલદીવની ફ્લાઇટ બુકિંગ સસ્પેન્ડ કરવાનો નિર્ણય લીધો. 
• કંપનીના CEO નિશાંતે સોશિયલ મીડિયા પર પોસ્ટ કરીને આ જાણકારી આપી. 

PM નરેન્દ્ર મોદી વિશે માલદીવના કેટલાક મંત્રીઓ દ્વારા કરવામાં આવેલી અભદ્ર અને વાંધાજનક ટિપ્પણીનો મામલો હજુ ઠંડો પડતો જણાતો નથી. સોશિયલ મીડિયા પર આક્રોશ અને ભારતીય રાજદૂતના વાંધાને પગલે માલદીવ સરકારે તેના ત્રણ મંત્રીઓને પણ સસ્પેન્ડ કરી દીધા હતા. આ પછી, હવે ટૂર અને ટ્રાવેલ કંપની ઇઝી માય ટ્રીપે માલદીવ માટે તેની તમામ ફ્લાઇટ બુકિંગ સસ્પેન્ડ કરવાનો નિર્ણય લીધો છે. 

In solidarity with our nation, @EaseMyTrip has suspended all Maldives flight bookings ✈️ #TravelUpdate #SupportingNation #LakshadweepTourism #ExploreIndianlslands #Lakshadweep#ExploreIndianIslands @kishanreddybjp @JM_Scindia @PMOIndia @tourismgoi @narendramodi @incredibleindia https://t.co/wIyWGzyAZY

— Nishant Pitti (@nishantpitti) January 7, 2024

વિવાદ વચ્ચે, EaseMyTrip ના સહ-સ્થાપક અને મુખ્ય કાર્યકારી અધિકારી (CEO) નિશાંત પિટ્ટીએ માલદીવના મંત્રીઓ દ્વારા ભારતના વડાપ્રધાન નરેન્દ્ર મોદી વિરુદ્ધ કરવામાં આવેલી અપમાનજનક ટિપ્પણીઓ બાદ માલદીવની તમામ ફ્લાઈટ બુકિંગ રદ કરી દીધી છે. Ease My Tripના CEO નિશાંતે સોશિયલ મીડિયા પર પોસ્ટ કરીને આ જાણકારી આપી છે. અગાઉ એક પોસ્ટમાં તેણે બધાને લક્ષદ્વીપ જવા અને ત્યાં ફરવા માટે પણ આહ્વાન કર્યું હતું. 

વધુ વાંચો: માલદીવના મંત્રીએ PM મોદીને કેમ કહ્યાં જોકર-કઠપૂતળી? કેમ થઈ ઈર્ષા, આ રહ્યું મોટું કારણ

જણાવી દઈએ કે પીએ મોદી પર માલદીવના નેતાઓના વિવાદાસ્પદ નિવેદનો બાદ ભારતમાં સોશિયલ મીડિયા પર #BoycottMaldives ટ્રેન્ડ કરી રહ્યું છે. અત્યાર સુધી હજારો લોકોએ માલદીવ જવાનો પ્લાન કેન્સલ કર્યો છે. ભારતમાંથી મોટી સંખ્યામાં લોકો માલદીવની મુલાકાત લે છે. આવી સ્થિતિમાં એવું માનવામાં આવે છે કે માલદીવના પ્રવાસનને મોટો ફટકો પડી શકે છે.

વાસ્તવમાં આ આખો મામલો વડાપ્રધાન નરેન્દ્ર મોદીના લક્ષદ્વીપ પ્રવાસ બાદ શરૂ થયો હતો. લક્ષદ્વીપની મુલાકાત લીધા બાદ પીએમ મોદીએ તેની તસવીરો સોશિયલ મીડિયા પર શેર કરી હતી. આ સાથે તેણે ભારતીયોને આ ટાપુની મુલાકાત લેવાની યોજના બનાવવાની અપીલ કરી હતી. આ પછી માલદીવની યુવા સશક્તિકરણની ઉપમંત્રી મરિયમ શિયુનાએ પીએમ મોદીની પોસ્ટ પર વાંધાજનક ટિપ્પણી કરી હતી. જો કે ટ્વીટની ટીકા થયા બાદ તેણે તેને ડીલીટ પણ કરી દીધું હતું.