VIDEO / રાજકોટમાં રૂપાલાના વિરોધમાં નીકળી ક્ષત્રિયોની જંગી મહારેલી, બહેનોએ વિરોધ રૂપી કેસરી સાડી પહેરી સૂત્રોચ્ચાર કર્યા

 

પરષોત્તમ રૂપાલાએ કરેલી વિવાદિત ટિપ્પણીને લઈ ક્ષત્રિય સમાજમાં ભારે રોષ છે.  તેમની એક જ માંગ છે કે, ભાજપ રૂપાલાની ટિકિટ પરત ખેંચે. જેને લઈ વિવિધ સંમેલનો તેમજ આવેદન પત્ર પાઠવવાનું ચાલી રહ્યું છે. ત્યારે હવે ક્ષત્રિય સમાજ રાજકોટમાં મહારેલી યોજવાની તૈયારી કરી રહ્યું છે. જે રેલીને લઈ તેમને મંજૂરી પણ મળી ગઈ છે. ત્યારે રેસકોર્સ રોડ થઇને કલેક્ટર કચેરીએ ક્ષત્રિય સમાજ જશે ત્યાં આવેદ પત્ર પાઠવવામાં આવશે

 

ક્ષત્રિય સમાજની મહારેલી

ક્ષત્રિય સમાજને રાજકોટમાં મહારેલી યોજવાની કલેક્ટર તંત્રએ મંજૂરી પણ આપી દીધી છે. 300થી 350 વ્યક્તિની રેલી માટે મંજૂરી માગવામાં આવી હતી. ક્ષત્રિય સંગઠનો દ્વારા એક કલાક માટે રેલીનું આયોજન કરવા માટે મંજૂરી માંગવામાં આવી હતી, જે વહીવટી તંત્રએ આપી દીધી છે.  

વાંચવા જેવું: અમિત શાહ 18 અથવા 19 એપ્રિલે ગાંધીનગર બેઠક માટે ભરશે ઉમેદવારીપત્ર, તમામ વિધાનસભા ક્ષેત્રમાં રોડ શોનું આયોજન

બહુમાળી ચોક ખાતે પોલીસ બંદોબસ્ત
રાજકોટ સ્થિત બહુમાળી ચોક ખાતે મોટી સંખ્યામાં પોલીસ બંદોબસ્ત ગોઠવાયો છે. જ્યાં વોટર કેનન અને વજ્ર વાહનો તકેદારીના ભાગ રૂપે રાખવામાં આવ્યા છે. ક્ષત્રિય સમાજના આગેવાનો કેસરી સાફા પહેરીને બહુમાળી ચોક ખાતે પહોંચ્યા પણ છે. 

ધંધુકામાં ક્ષત્રિય સમાજનો સંમેલન યોજાશે 

ગુજરાત ક્ષત્રિય સભાના પ્રમુખ કરણસિંહ ચાવડા જણાવ્યું હતું કે, પરષોત્તમ રૂપાલાની ઉમેદવારી રદ્દ થવાની છે એ અમને વિશ્વાસ છે. ઉમેદવારી નોંધાવે તે પહેલાં અમે કેટલાક નિર્ણયો કરવાના છીએ. જે બાબતને લઈ આવતીકાલે ધંધુકા ખાતે અસ્મિતા નામનું વિશાળ સંમેલન યોજાશે. તેમણે વિગતો આપતા કહ્યું કે, ધંધુકાના સંમેલનમાં ક્ષત્રિય અને રાજપૂત સમાજના તમામ સંગઠનો જોડાશે. 
     કરણસિંહ ચાવડાએ ઉમેર્યું હતું કે, રાજકોટ બેઠક પર 400થી વધુ ઉમેદવારી પત્રો ભરાશે. રાજકોટમાં પણ ક્ષત્રિય સમાજનુ વિશાળ સંમેલન યોજાશે. જે ગુપ્ત રણનીતિ હોવાથી બાદમાં જાહેર કરાશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો