ગુનેગારોને વીઝા આપનાર કેનેડા પર વિદેશ મંત્રી જયશંકર બરાબરના વરસ્યાં છે. જયશંકરે ચેતવણી આપતાં કહ્યું કે કેનેડા અભિવ્યક્તિની સ્વતંત્રતાના નામે ઉગ્રવાદ, અલગતાવાદ અને હિંસાના હિમાયતીઓને કાયદેસરતા આપી રહ્યો છે. હાલમાં કેનેડા ભારત માટે મોટી સમસ્યા બન્યો છે.
નિજ્જરની હત્યામાં પકડાયેલા ભારતીય નાગરિકો પર બોલ્યાં
જયશંકરે ખાલિસ્તાની આતંકવાદી હરદીપસિંહ નિજ્જરની હત્યામાં કથિત રીતે સંડોવાયેલા ત્રણ ભારતીય નાગરિકોની ધરપકડ અંગે પણ પ્રતિક્રિયા આપી હતી. તેમણે કહ્યું કે જસ્ટિન ટ્રુડોનો દેશ વિચારે છે કે ગુનેગારોને પ્રોત્સાહન આપવાનું તેમનું આ કામ કોઈ નહીં જોવે અને કોઈ કંઈ નહીં બોલે. કેટલાક દેશોમાં, આવા લોકોએ પોતાને રાજકીય રીતે સંગઠિત કર્યા છે અને રાજકીય લોબી બની ગયા છે. આમાંના કેટલાક લોકશાહીઓમાં, ત્યાંના રાજકારણીઓ એવું માનવા પ્રેરાય છે કે જો તેઓ આ લોકોનો આદર કરે અથવા આ લોકોને ટેકો આપે તો તેઓ કોઈ સમુદાયને ટેકો આપવાની ક્ષમતા ધરાવે છે. આથી તેમણે આ દેશોના રાજકારણમાં પોતાનું સ્થાન બનાવવાનો પ્રયાસ કર્યો છે.
કેનેડા ભારત માટે મોટી સમસ્યાઃ જયશંકર
કેન્દ્રીય વિદેશ મંત્રીએ કેનેડાને ભારતની સૌથી મોટી સમસ્યા ગણાવી હતી. "અત્યારે આપણી સૌથી મોટી સમસ્યા કેનેડાની છે, કારણ કે કેનેડામાં આજે આપણી પાસે જે સરકારે છે તેણે કટ્ટરવાદ, અલગતાવાદ અને હિંસાની હિમાયત કરનારાઓને સ્વતંત્રતાના નામે કેટલીક કાયદેસરતા આપી છે. જ્યારે તમે તેમને કંઈક કહો છો, ત્યારે તેઓ જવાબ આપે છે, 'અમે એક લોકશાહી દેશ છીએ, પરંતુ આ અભિવ્યક્તિની સ્વતંત્રતા છે.
વધુ વાંચો : 'કસાબ નહીં પોલીસ ગોળીથી મોત', હેમંત કરકરે ફરી ચર્ચામાં કોણ હતા, કેવી રીતે ખપી ગયાં?
કેનેડાએ આપ્યાં હતા ગુનેગારોને વીઝા
એસ જયશંકરે પંજાબમાં સંગઠિત ગુનાઓમાં સામેલ ગુનેગારોને વિઝા આપવા બદલ કેનેડિયન સરકારની ટીકા કરી હતી.આ ભારતના મોસ્ટ વોન્ટેડ ગુનેગારો છે, તમે તેમને વિઝા કેમ આપ્યા છે. આમાંથી ઘણા લોકો ખોટા દસ્તાવેજો પર કેનેડા જાય છે, પરંતુ તેમને રહેવાની મંજૂરી છે.
