આશ્ચર્યજનક / કાળી ચૌદસની રાતે સ્મશાન ગૃહમાં પુસ્તકનું વિમોચન યોજાયું, મોટી સંખ્યામાં લોકોએ હાજરી પણ આપી

Ronak

Last Updated: 10:32 AM, 4 November 2021

FOLLOW ON

શેર કરો

અમદવાદના લેખત જીતેન્દ્ર યાદવે અંધશ્રદ્ધા પર એક પુસ્તક લખ્યું છે. આ પુસ્તકનું વિમોચન તેમણે કાળીચૌદસની રાતે સ્મશાનગૃહમાં કર્યું હતું. જેમા મોટી સંખ્યામાં લોકોએ હાજરી પણ આપી હતી.

કાળી ચૌદસની રાતે યોજાયું પુસ્તકનું વિમોચન
મોટી સંખ્યામાં લોકો આપી હાજરી
લોકો અંધશ્રદ્ધાથી મુક્ત બને તે માટે કરાયો નવતર પ્રયોગ

સામાન્ય રીતે કોઇ પુસ્તકનું વિમોચન કોઈ સારી હોટલ કે રેસ્ટોરન્ટમાં થતા તમે જોયું હશે કે જ્યાં અલગ જ પ્રકારનો ઝાકમ ઝોળ હોય છે...પરંતુ અમદાવાદમાં એક પુસ્તકનું વિમોચન સ્મશાનગૃહમાં યોજવામાં આવ્યું.

અંધશ્રદ્ધાનું એન્કાઉન્ટર પુસ્તકનું નામ

જે પુસ્તકનું વિમોચન સ્મશાન ગૃહમાં યોજવામાં આવ્યું છે તે પુસ્તકનું નામ છે અંધશ્રદ્ધાનું એન્કાઉન્ટર. કાળીચૌદશની રાત્રે લોકો અનેક પ્રકારની અંધશ્રદ્ધા સાથે જોડાયેલા હોય છે ત્યારે લોકો અંધશ્રદ્ધાથી મુક્ત બને એવા પ્રયત્નો કરતા રેશનાલિસ્ટોના ગ્રુપના સભ્ય અને લેખક જીતેન્દ્ર વાઘેલાએ આ પુસ્તક લખ્યું છે.

સ્મશાન ગૃહમાં કરાયું પુસ્તકનું વિમોચન

પુસ્તકના લેખક સમાજમાંથી અંધશ્રદ્ધા નાબૂદ કરવા માંગે છે અને એટલે જ અંધશ્રદ્ધા પર પુસ્તક લખ્યું અને ક્યારેય વિમોચન ના થયું હોય એવા સ્મશાન ગૃહમાં પુસ્તકનું વિમોચન કરાયું...સ્મશાનમાં જ્યાં મૃતદેહોને મુખાગ્નિ આપવામાં આવે છે એ જગ્યા પર પુસ્તક રાખવામાં આવ્યું...અને ત્યારબાદ તેનું વિમોચન કરાયું.

મહિલાઓ પણ મોટી સંખ્યામા જોવા મળી

ઉલ્લેખનીય છે કે પુસ્તકના વિમોચનમાં પ્રમાણમાં મહિલાઓ પણ જોવા મળી, જ્યાં શાસ્ત્રોમાં અથવા તો માન્યતાઓ મુજબ મહિલાઓએ સ્મશાનમાં આવવાની મનાઈ હોય છે ત્યાં આ પુસ્તક વિમોચનમાં મોટી સંખ્યામાં મહિલાઓએ ભાગ લીધો હતો...

સંકળાયેલા મુદ્દાઓ

ahmedabad book launch strange case અમદાવાદ પુસ્તકનું વિમોચન સ્મશાન ગૃહ book launch