ઇન્ટરનેશનલ ક્રિકેટ કાઉન્સિલએ શુક્રવારે ટીમોની હાલની રેન્કિંગની જાહેરાત કરી છે. ભારતીય ટીમ આંતરરાષ્ટ્રીય સ્તર પર હાલના સમયમાં કોઇ પણ ફોર્મેટમાં નંબર 1 નાં સ્થાન પર નથી. ટેસ્ટ, વનડે અને T20 ઇન્ટરનેશનસ ક્રિકેટના હાલના સમયમાં નંબર 1 ના હોવા છતાં ઇતિહાસ રચી દીધો છે.
જી હા, ટીમ ઇન્ડિયાએ હાલના સમયમાં ક્રિકેટના ફોર્મેટમાં એકમાત્ર એવી ટીમ છે, જે ICC રેન્કિંગ્સમાં ટૉપ 3 માં છે. ઓસ્ટ્રેલિયાની ટીમ ટેસ્ટ ક્રિકેટમાં વિરાટ કોહલીની કેપ્ટન્સીવાળી ટીમ ઇન્ડિયાને પછાડીને નંબર 1 પર છે, જ્યારે પાકિસ્તાનને હરાવીને કાંગારૂ ટીમ T20 ઇન્ટરનેશનલ ક્રિકેટમાં પહેલી વખત નંબર 1 પર છે. તો બીજી તરફ ઇંગ્લેન્ડ ટીમ વનડે ફોર્મેટમાં નંબર 1 પર છે, જોકે ટીમ ઇન્ડિયાએ ત્રણ ફોર્મેટમાં ટૉપ 3માં રહીને ઇતિહાસ બનાવી દીધો છે.
ટીમ ઇન્ડિયા હાલના ICC રેન્કિંગમાં ટેસ્ટ ક્રિકેટમાં ત્રીજા, વનડે ઇન્ટરનેશનલ ક્રિકેટના બીજા અને T20 ઇન્ટરનેશનલ ક્રિકેટના ત્રીજા સ્થાન પર છે. ટીમ ઇન્ડિયા સિવાય કોઇ પણ ટીમ 2 ફોર્મેટથી વધારે ટૉપ 3 માં શામેલ નથી. ઓસ્ટ્રેલિયાઇ ટીમ ટેસ્ટ અને T20 માં ટૉપ 3 માં છે, જ્યારે ઇંગ્લેન્ડની ટીમે વનડે અને T20 માં જ ટૉપ 3 માં સ્થાન બનાવ્યુ છે. તો ન્યૂઝીલેન્ડની ટીમ ટેસ્ટ અને વનડે ક્રિકેટમાં જ ICC રેન્કિંગના ટૉપ 3 માં જગ્યા બનાવી શકી છે.
ટેસ્ટ ફોર્મેટમાં કાંગારૂ આગળ
ઓસ્ટ્રેલિયા 116 પોઇન્ટ્સ સાથે પ્રથમ અને ન્યૂઝીલેન્ડ 115 પોઇન્ટ્સ સાથે બીજા સ્થાને છે. ટીમ ઇન્ડિયા ઓક્ટોબર 2016થી ટેસ્ટ ટીમ રેન્કિંગમાં પ્રથમ સ્થાને હતું, જોકે હવે કોહલીની ટીમ ત્રીજા ક્રમે પહોંચી ગઈ છે. ટીમ ઇન્ડિયાના 114 પોઇન્ટ્સ છે.
વનડેમાં 2019 વર્લ્ડ કપ વિજેતા ઇંગ્લેન્ડ 127 પોઇન્ટ્સ સાથે ટોપ પર છે ટીમ ઇન્ડિયા, ન્યૂઝીલેન્ડ, દક્ષિણ આફ્રિકા અને ઑસ્ટ્રેલિયા અનુક્રમે બીજા, ત્રીજા, ચોથા અને પાંચમા સ્થાને છે. તેમના 119, 116, 108 અને 107 પોઇન્ટ્સ છે.