જરુરી ખબર / કાર ખરીદવી હોય તો ઉતાવળ રાખજો, 1 ફેબ્રુઆરીથી વધી જશે કિંમત, ટાટા મોટર્સે કર્યો આટલો વધારો

• દેશની સૌથી મોટી ઓટો કંપનીની કાર થશે મોંઘી
• કંપનીએ 1.2 ટકાના વધારાનું કર્યું એલાન
• 1 ફેબ્રુઆરી 2023થી લાગુ પડશે નવો વધારો
• તમામ મોડલની કાર થશે મોઁઘી

1 ફેબ્રુઆરી 2023થી ટાટા મોટર્સની કાર ખરીદવા વધારે પૈસા ચુકવવા પડશે કારણે કંપનીએ શુક્રવારે તમામ કારની કિંમતોમાં વધારો જાહેર કર્યો છે. 

ટાટા મોટર્સે નિવેદન બહાર પાડ્યું 
ટાટા મોટર્સે પોતાના નિવેદનમાં કહ્યું છે કે તે 1 ફેબ્રુઆરી 2023થી પેસેન્જર વાહનોના ભાવમાં લગભગ 1.2 ટકાનો વધારો કરવા જઈ રહી છે. મોડલ અને વેરિયન્ટ પ્રમાણે વાહનની કિંમતોમાં વધારો કરવામાં આવશે. ટાટા મોટર્સે પોતાના વાહનોની કિંમતોમાં વધારા પાછળ વધતા ખર્ચને જવાબદાર ગણાવ્યો છે. કંપનીનું કહેવું છે કે રેગ્યુલેટરી ફેરફારો અને ઇનપુટ કોસ્ટમાં વધારાને કારણે કોસ્ટ વધી છે. જેનો ભાર ખુદ કંપની ઉઠાવી રહી છે અને ગ્રાહકો પર થોડો બોજ નાખવાનો નિર્ણય કર્યો છે.

કિંમતો વધારવાથી કંપનીનો ખર્ચ ઘટશે- એમડી શૈલેષ ચંદ્રા 
ડિસેમ્બર 2022માં, ટાટા મોટર્સે પેસેન્જર વાહનોના ભાવમાં વધારો કરવાના સંકેત આપ્યા હતા. ત્યારે ટાટા મોટર્સના પેસેન્જર વ્હીકલ અને ઈલેક્ટ્રિક વ્હીકલ સેગમેન્ટના એમડી શૈલેષ ચંદ્રાએ કહ્યું હતું કે કિંમતોમાં વધારાથી કોમોડિટીના ભાવમાં વધારાની અસર ઘટાડવામાં મદદ મળશે. તેમણે કહ્યું કે નિયમનકારી નિયમોમાં ફેરફારથી કિંમતોને પણ અસર થશે. તેમણે કહ્યું કે બેટરીના ભાવ વધ્યા છે અને ગ્રાહકો પર હજુ ભાર નાખવામાં આવ્યો નથી. ત્યારે શૈલેષ ચંદ્રાએ જણાવ્યું હતું કે, બેટરીના ભાવ અને નવા નિયમોની અસર ઇલેક્ટ્રિક વાહનો પર જોવા મળી છે. તેમજ નવા ઉત્સર્જન નિયમોનું પાલન કરવા માટેના ખર્ચમાં પણ વધારો થશે.