લોકસભા ચૂંટણી 2024 / રૂપાલા, વિજય રૂપાણી, ગેનીબેન સહિત આ દિગ્ગજોએ કર્યું મતદાન, વોટિંગ દરમ્યાન સર્જાયા ભાવુકના દ્રશ્યો

કેન્દ્રીય મંત્રી પરષોત્તમ રૂપાલાએ મતદાન કર્યું હતું. રાજકોટ બેઠકનાં ઉમેદવાર રૂપાલાએ પરિવાર સાથે અમરેલીમાં મતદાન કર્યું હતું. અમરેલીનાં ઈશ્વરીયા ગામે પરષોત્તમ રૂપાલાએ પરિવાર સાથે મતદાન કર્યું હતું. પરષોત્તમ રૂપાલા રાજ્યની હાઈપ્રોફાઈલ રાજકોટ બેઠકનાં ભાજપનાં ઉમેદવાર છે.

તમામ મતદારોના દિલમાં નરેન્દ્ર મોદી: ભીખુસિંહજી

કેબિનેટ મંત્રી ભીખુસિંહજુ પરમારે પરિવાર સાથે મતદાન કર્યું હતું. અરવલ્લીનાં મોડાસાનાં ચારણવાડા ગામે મતદાન કર્યું હતું. મતદાન કરવા પહોંચેલા ભીખુસિંહજીએ નિવેદન આપ્યું હતું કે તમામ મતદારોના દિલમાં નરેન્દ્ર મોદી છે.

કરોલી ગામ ખાતે રાજપાલસિંહ જાદવે પરિવાર સાથે કર્યું મતદાન

રાજ્યની 25 લોકસભા બેઠકો પર મતદાન યોજાઈ રહ્યું છે. પંચમહાલથી ભાજપનાં ઉમેદવાર રાજપાલસિંહજી જાદવે મતદાન કર્યું હતું. કરોલી ગામ ખાતે રાજપાલસિંહ જાદવે પરિવાર સાથે મતદાન કર્યું હતું.

મધ્યપ્રદેશના રાજ્યપાલે નવસારીમાં કર્યું મતદાન

નવસારી બેઠક પર વહેલી સવારથી મતદાને લઈ ઉત્સાહ જોવા મળી રહ્યો છે. મધ્યપ્રદેશનાં રાજ્યપાલે નવસારીમાં મતદાન કર્યું હતું. મધ્યપ્રદેશનાં રાજ્યપાલ મંગુભાઈ પટેલે મતદાનની ફરજ નિભાવી હતી.

શિક્ષણમંત્રીએ હાથમાં મોરપીંછ રાખી કર્યું મતદાન

શિક્ષણમંત્રી ર્ડા. કુબેર ડિંડોરે મતદાનની ફરજ નિભાવી હતી. મહીસાગરનાં ભંડારા ગામે રાજ્યનાં શિક્ષણમંત્રીએ મતદાન કર્યું હતું. શિક્ષણમંત્રીએ હાથમાં મોરપીંછ રાખી મતદાન કર્યું હતું. મહિસાગરનાં ભાજપનાં ઉમેદવાર જશવંતસિંહ ભાભોરની જંગી લીડથી જીતનો વિશ્વાસ વ્યક્ત કર્યો હતો.

સુરતના પિપલોદ વિસ્તારમાં હર્ષ સંઘવીએ કર્યું મતદાન

ગૃહ રાજ્યમંત્રી હર્ષ સંઘવીએ મતદાન કર્યું હતું. સુરતનાં પિપલોદ વિસ્તારમાં હર્ષ સંઘવીએ મતદાન કર્યું હતું. રાજ્યનાં તમામ મતદાન મથકો પર વહેલી સવારથી મતદાનને લઈ ઉત્સાહ જોવા મળ્યો હતો. રાજ્યનાં મોટાભાગનાં નેતાઓ વહેલી સવારે મતદાન માટે પહોંચ્યા હતા.

મતદાનને લઇ વિજય રૂપાણીનું નિવેદન

પૂર્વ મુખ્યમંત્રી વિજય રૂપાણીએ મતદાન કર્યું હતું. અનિલ જ્ઞાન ગંગા શાળા ખાતે વિજય રૂપાણીએ પરિવાર સાથે મતદાન કર્યું હતું. મતદાન બાદ વિજય રૂપાણીઓએ નિવેદન આપ્યું હતું કે, વધુમાં વધુ મતદાન માટે પ્રયત્ન કરવામાં આવશે. 400 પારના નારા સાથે લોકો વહેલી સવારથી ઉમટી રહ્યા છે. રાજકોટ બેઠક પર પરષોત્તમ રૂપાલા જંગી લીડથી જીતશે. ગરમી વધુ હોવાથી લોકોને વહેલું મતદાન કરવા અપીલ કરૂ છું.

ઉત્તરપ્રદેશના રાજ્યપાલ આનંદીબેન પટેલે કર્યું મતદાન

રાજ્યની 25 લોકસભા બેઠકો પર મતદાન યોજાઈ રહ્યું છે. ઉત્તર પ્રદેશનાં રાજ્યપાલ આનંદીબેન પટેલે મતદાન કર્યું હતું. આનંદીબેન પટેલે શીલજની પ્રાથમિક શાળામાં મતદાન કર્યું હતું.

મતદાન કરતી સમયે ગેનીબેન ઠાકોર થયા ભાવુક

બનાસકાંઠાનાં કોંગ્રેસનાં ઉમેદવાર ગેનીબેન ઠાકોરે મતદાન કર્યું હતું. માતા-પિતાનાં આર્શીર્વાદ લઈને મતદાન કર્યું હતું. મતદાન કરતા સમયે ગેનીબેન ભાવુક થયા હતા. બહોળા પ્રમાણમાં મતદાન માટે અપીલ કરી હતી.

પરષોતમ રૂપાલાની જીત નિશ્ચિત છે તેવો દાવો કુંવરજી

રાજકોટનાં જસદણમાં કુંવરજી બાવળિયાએ મતદાન કર્યું હતું. વીંછીયાની કન્યાશાળાનાં મતદાન કેન્દ્રમાં મતદાન કર્યું હતું. કુંવરજી બાવળિયાએ પરિવાર સાથે મતદાન કર્યુ હતું. પરષોત્તમ રૂપાલાની જીત નિશ્ચિત છે. તેવો દાવો કુંવરજી બાવળિયાએ મતદાન કર્યું હતું.

અમરેલીના બહારપરાની શાળામાં પરિવાર સાથે કર્યું મતદાન

રાજકોટથી કોંગ્રેસનાં ઉમેદવાર પરેશ ધાનાણીએ મતદાન કર્યું હતું. અમરેલીનાં બહારપરાની શાળામાં પરિવાર સાથે મતદાન કર્યું હતું. મતદાતાઓ સાથે લાઈનમાં ઉભા રહી પરેશ ધાનાણીએ મતદાન કર્યું હતું.