નિવેદન / તાલિબાને ભારત માટે 'ક્લિયર કટ પોલિસી' કરી જાહેર, આપ્યું ચોંકાવનારું નિવેદન

• ભારતે ત્રણ અરબ ડોલરની પરિયોજનાઓ પર રોકાણ કર્યુ છે
• કોઈ પણ દેશ અફઘાની ધરતીનો ઉપયોગ બીજાની વિરુદ્ધ ન કરે
• ભારત અફઘાનિસ્તાનમાં પરિયોજનાઓનું કામ પુરુ કરે- તાલિબાન

ભારતે ત્રણ અરબ ડોલરની પરિયોજનાઓ પર રોકાણ કર્યુ છે

અફઘાનિસ્તાનની અરાજક્તાની સ્થિતિ વચ્ચે હવે તાલિબાને કહ્યું ભારતે અફઘાનમાં પોતાના પ્રોજેક્ટ્સ પુરા કરવા જોઈએ. એક અંદાજા મુજબ ભારતે અફઘાનિસ્તાનમાં ત્રણ અરબ ડોલરની વિકાસ પરિયોજનાઓ પર રોકાણ કર્યુ છે.

 કોઈ પણ દેશ અફઘાની ધરતીનો ઉપયોગ બીજાની વિરુદ્ધ ન કરે

પાકિસ્તાનની એક ચેનલ સાથેની વાતચીત દરમિયાન તાલિબાનના નેતાએ અફઘાનિસ્તાનની ધરતી પર બીજા દેશોની વિરુદ્ધ ઉપયોગ ન કરવાનું આશ્વાસન આપ્યું છે અને કહ્યું કે ભારતે પોતાની પરિયોજનાઓને પુરી કરવી જોઈએ. તાલિબાનના પ્રવક્તા સુહૈલ શાહીને કહ્યું કે કોઈ પણ દેશ અફઘાની ધરતીનો ઉપયોગ બીજાની વિરુદ્ધ ન કરે. ભારત અફઘાનિસ્તાનની ધરતી અધૂરી પુનનિર્માણ અને પાયાગત માળખાને પુરી કરી શકે છે.  એક સવાલના જવાબમાં સુહેલે ફરી કહ્યું કે જો તેમણે (ભારતો) અહીં (અફઘાનિસ્તાનમાં) ઈન્ફ્રાસ્ટ્રક્ચર પ્રોજેક્ટ્સ બનાવ્યા છે, રિકંન્સ્ટ્રક્શન કરી રહ્યા છે અને તે કમ્પ્લીટ નથી તો તે પુરા કરે કેમ કે તે જનતા માટે છે.

ભારત અફઘાનિસ્તાનમાં પરિયોજનાઓનું કામ પુરુ કરે- તાલિબાન

પાકિસ્તાની ન્યૂઝ એંકરે પ્રવક્તાને ફરી સવાલ કર્યો કે ભારતના અફઘાનમાં અનેક કોન્સ્યૂલેટ્સ હાજર છે જે પાકિસ્તાનની વિરુદ્ધ કામ કરે છે અને તમે કહી રહ્યા છો કે અફઘાન જમીન કોઈ દેશની વિરુદ્ધ ઉપયોગ નહી કરી શકાય. તો શું તમે ભારત સાથે સારા સંબંધ ઈચ્છો છો?

આ સવાલના જવાબમાં સુહૈલે કહ્યું કે જો ભારતની અફઘાનિસ્તાનમાં ડેમ અને રોડ જેવી પરિયોજનાઓ છે અને હજું તે પુરી નથી થઈ તો ભારત આવે અને તેને પુરુ કરે. પરંતુ અમે એ સ્પષ્ટ કરી ચૂક્યા છીએ કે કોઈ દેશ અફઘાનિસ્તાનનો બીજા દેશની વિરુદ્ધ ઉપયોગ કરે તે માટે અમે પરવાનગી નહીં આપીએ આ અમારી ક્લિયર કટ પોલીસી છે.