સમાધિ / રાજકીય સન્માન સાથે સ્વામી સ્વરૂપાનંદને અપાઈ ભૂ-સમાધિ, CM શિવરાજે પણ કર્યા અંતિમ દર્શન

• સ્વામી સ્વરૂપાનંદજીને રાજકીય સન્માન સાથે અપાઈ સમાધિ
• સીએમ શિવરાજે પણ અંતિમ દર્શન કર્યા
• શંકરાચાર્ય સ્વામી સ્વરૂપાનંદજીના પાર્થિવ દેહની પાલખીયાત્રા કઢાઈ

હિન્દુઓના સૌથી મોટા ધર્મગુરુ અને દ્વારકાની શારદાપીઠ તથા ઉત્તરાખંડમાં સ્થિત જ્યોતિમઠની બદ્રીપીઠના જગદ્ગુરુ શંકરાચાર્ય સ્વામી સ્વરૂપાનંદજી ગઇકાલે બ્રહ્મલિન થયા હતા. મધ્યપ્રદેશના નરસિંહપુરમાં લાંબી માંદગી બાદ જગદગુરુ શંકરાચાર્ય શ્રી સ્વામી સ્વરૂપાનંદ સરસ્વતીએ રવિવારે બપોરે અંતિમ શ્વાસ લીધા હતા. ત્યારબાદ આજે શંકરાચાર્ય સ્વામી સ્વરૂપાનંદજી સરસ્વતીને સંત પરંપરા મુજબ બપોરે 3.30 વાગ્યાની આસપાસ રાજકીય સન્માન સાથે સમાધિ આપવામાં આવી હતી. આ અગાઉ શંકરાચાર્ય સ્વામી સ્વરૂપાનંદજીના પાર્થિવ દેહની પાલખીની યાત્રા કાઢવામાં આવી હતી.  મુખ્યમંત્રી શિવરાજ સિંહ ચૌહાણે પણ અંતિમ દર્શન કર્યા હતા.આ દરમિયાન હજારો ભક્તો ભીની આંખો સાથે તેમના ગુરુને અંતિમ વિદાય આપવા માટે એકઠા થયા હતા.

धर्म के ध्वजवाहक, हमारी संस्कृति एवं जीवन मूल्यों के पोषक, योद्धा सन्यासी जिन्होंने देश को आजाद कराने की लड़ाई लड़ी और करोड़ों करोड़ भक्तों को सन्मार्ग पर चलने की प्रेरणा दी, ऐसे परम पूज्य शंकराचार्य जी महाराज ब्रह्मलीन हो गए। pic.twitter.com/fD6daXyTU1

— Shivraj Singh Chouhan (@ChouhanShivraj) September 12, 2022

શંકરાચાર્યજી સનાતન ધર્મના સૂર્ય હતા : શિવરાજસિંહ 
શંકરાચાર્યજીના વંદન કરવા શિવરાજસિંહ ચૌહાણ નરસિંહપુર જિલ્લાના પરમહંસી ગંગા આશ્રમ ગયા હતા. જ્યાં શંકરાચાર્ય સ્વામી સ્વરૂપાનંદજી સરસ્વતીના દેવલોક જવા પર શોક વ્યક્ત કર્યો હતો. તેમણે જણાવ્યું હતું કે તેઓ સનાતન ધર્મના સૂર્ય હતા. હવે મધ્યપ્રદેશ  વેરાન બની ગયું છે.  હું મધ્યપ્રદેશના 8.5 કરોડ લોકો વતી તેમના ચરણોમાં નમન કરું છું. મુખ્યમંત્રી ચૌહાણે કહ્યું કે ધર્મના ધ્વજ ધારકો આપણી સંસ્કૃતિ અને જીવન મૂલ્યોના યોદ્ધાઓને પોષતા હતા. 

શંકરાચાર્યજીએ બતાવેલ માર્ગ પર અમે ચાલવાનો પ્રયત્ન કરીશું : શિવરાજસિંહ 
શ્રદ્ધાંજલિ આપતાં તેમણે જણાવ્યું હતું કે તેઓ 9 વર્ષની વયે ઘર છોડી ગયા હતા. તેઓ વેદ, ઉપનિષદ, શાસ્ત્રોના જાણકાર હતા જેઑએ પોતાનું આખું જીવન સનાતન ધર્મના પ્રચારમાં વિતાવ્યું હતું. ગરીબ, દલિત, આદિવાસીઓની સેવા માટે તેમણે આંખની હોસ્પિટલ, સંસ્કૃત પાઠશાળા, હોસ્પિટલ સહિતના અનેક પ્રોજેક્ટ સ્થાપ્યા હતા. વધુમાં તેમણે ઉમેર્યું કે શંકરાચાર્યજીએ બતાવેલ માર્ગ પર અમે ચાલવાનો પ્રયત્ન કરીશું.