- સુષ્મિતા સેન અને લલિત મોદીના રિલેશનશિપે મચાવી ધૂમ
- લલિત મોદીએ સુષ્મિતાને પોતાની બેટરહાફ જણાવી લગ્નનો નિર્ણય કર્યો
- સોશિયલ મીડિયામાં ચાહકોના ક્રેજી રિએક્શન સામે આવ્યાં
સુષ્મિતા સેન અને લલિત મોદીના રિલેશનશિપના અહેવાલે ધૂમ મચાવી
બોલીવુડ અભિનેત્રી સુષ્મિતા સેનને જ્યારથી ટ્વિટર પર બિઝનેસમેન લલિત મોદીએ પોતાની બેટરહાફ બતાવીને લગ્ન કરવાનો નિર્ણય કર્યો છે ત્યારથી સોશિયલ મીડિયામાં ચાહકોના ક્રેજી રિએક્શન આવી રહ્યાં છે. સોશિયલ મીડિયામાં યુઝર્સ લવ અફેરના સમાચાર પર ફની મીમ્સ શેર કરી રહ્યાં છે. બંનેના અફેરની વાત પ્રશંસકો પચાવી રહ્યાં નથી. ટ્વિટર, ઈન્સ્ટાગ્રામ પર યુઝર્સે એકથી વધીને એક મીમ્સ શેર કર્યા છે. અમુક મીમ્સ એટલા ફની લાગે છે કે તમે પણ હસી-હસીને લોટપોટ થઇ જશો.
યુઝર્સે આપ્યાં ફની રિએક્શન
અમુક પ્રશંસકો સુષ્મિતા સેનના એક્સ બૉયફ્રેન્ડની યાદી શેર કરી રહ્યાં છે. મોટાભાગના ચાહકો સુષ્મિતાની પહેલાની લાઈફને લઇને પણ પોસ્ટ શેર કરી રહ્યાં છે. સુષ્મિતા ગયા વર્ષે રોહમન શૉલની સાથે રિલેશનશીપમાં હતી. તેના બ્રેકઅપને હજી 6 મહિના જ થયા છે, એવામાં કેટલાંય લોકો તેમને ટ્રોલ પણ કરી રહ્યાં છે. આ સાથે યુઝર્સે અક્ષય કુમાર અને રાજપાલ યાદવની ફીર હેરા ફેરીમાંથી એક તસ્વીર શેર કરી તેના પર લખ્યું છે કે ભાઈ પૈસા હોય તો શું થઇ શકતુ નથી.
લલિત મોદીએ સુષ્મિતા સાથેની રોમેન્ટિક ફોટો શેર કરી
સુષ્મિતા સેન અને લલિત મોદીને આ નવા સંબંધની શરૂઆત માટે શુભેચ્છા પણ આપી રહ્યાં છે. લલિત મોદીએ સુષ્મિતાની સાથે જૂની અને નવી રોમેન્ટિક ફોટો શેર કરી છે. તેમણે અભિનેત્રીની સાથે અત્યાર સુધીની પોતાની મુલાકાત દ્વારા જર્નીને શેર કરી છે. લલિત મોદીએ કહ્યું છે કે તે ટૂંક સમયમાં અભિનેત્રી સાથે લગ્ન કરશે. ચોતરફ હવે સુષ્મિતા અને લલિત મોદીના ડેટીંગના અહેવાલ સામે આવી રહ્યાં છે.
