ખગોળીય ઘટના / ગાંધીનગરમાં ભગવાન મહાવીર સ્વામીના ભાલે થયું 'સૂર્ય-તિલક', દર વર્ષે 2 વાગીને 7 મિનિટે જ થાય છે આ 'ચમત્કાર'

• જૈન આરાધના કેન્દ્ર પર મહાવીર સ્વામીનું સૂર્યતિલક
• મહાવીર સ્વામીના લલાટે આજે થયું સૂર્યતિલક
• બપોરે 2:07 કલાકે મહાવીર સ્વામીના ભાલ પર સૂર્યતિલક

આજે 22 મે છે ત્યારે દર વર્ષની જેમ કોબા ખાતે આવેલા મહાવીર જૈન આરાધના ભવનમાં બરાબર બપોરે 2 કલાક 7 મિનિટે સૂર્ય તિલકની અલૌકિક ખગોળીય ઘટના બની. દર વર્ષની જેમ આ વર્ષે પણ 24માં તીર્થંકર મહાવીર સ્વામીના ભાલે સૂર્ય તિલકનો અદ્ભૂત નજારો જોવા મળ્યો. આ નજારો જોવા દૂર-દૂરથી કોબા મહાવીર જૈન આરાધના કેન્દ્ર પર આવી પહોંચ્યા હતા. તો ન્યૂઝ ચેનલ અને સોશિયલ મીડિયા મારફતે પણ લાખો લોકોએ દર્શનનો લાભ લીધો હતો. લોકો આ અલોકીક કુદરતી દર્શન કરી ભાવવિભોર થઈ ગયા હતા.

મહાવીર સ્વામીના લલાટે થયું સૂર્યતિલક
ગચ્છાધિપતિ આચાર્ય દેવ કૈલાશસાગરસૂરીશ્વરજી મહારાજના કાળધર્મના દિવસની પુણ્ય સ્મૃતિ નિમિત્તે દર વર્ષે 22 મેના રોજ બપોરે 2 કલાક 7 મિનિટે ભગવાન મહાવીર સ્વામીના  લલાટે સૂર્ય કિરણ પડે છે. ભગવાનના કપાળ પર તેજસ્વી સૂર્યના કિરણથી તિલક થયા છે.