રણનીતિકાર / કોણ છે આ ચૂંટણી વ્યૂહરચનાકાર? જેની સ્ટ્રેટેજીએ તેલંગાણામાં KCRની પાર્ટીને ઉખાડી ફેંકી, અગાઉ ભાજપને પણ જીતાડવામાં હતો મહત્વનો રોલ

• તેલંગાણામાં વિધાનસભાની ચૂંટણીના પરિણામો ગઇકાલે આવી ગયા 
• તેલંગાણામાં કોંગ્રેસની બહુમતી સાથે સરકાર બની છે
• કોંગ્રેસની આ ઐતિહાસિક જીત પાછળ એક બિનકોંગ્રેસી વ્યક્તિ છે

ચાર રાજ્યો મધ્યપ્રદેશ, રાજસ્થાન, છત્તીસગઢ અને તેલંગાણામાં વિધાનસભાની ચૂંટણીના પરિણામો ગઇકાલે આવી ગયા હતા. આ ચારમાંથી ત્રણ રાજ્યો મધ્યપ્રદેશ, રાજસ્થાન અને છત્તીસગઢમાં ભાજપ જંગી બહુમતી સાથે વાપસી કરી હતી. જો કે તેલંગાણામાં કોંગ્રેસની બહુમતી સાથે સરકાર બની છે. 

STORY | Sunil Kanugolu -- the poll strategist behind Congress' win in Telangana

READ: https://t.co/gMvxKKheQO pic.twitter.com/yBuf0sAyNj

— Press Trust of India (@PTI_News) December 3, 2023

વાસ્તવમાં કોંગ્રેસની આ ઐતિહાસિક જીત પાછળ એક બિનકોંગ્રેસી વ્યક્તિ છે જેનું નામ છે સુનીલ કાનુગોલુ. સુનીલ કાનુગોલુ એ જ રણનીતિકાર છે જેમણે ચૂંટણી પહેલા આ રાજ્યમાં પાર્ટી માટે શતરંજનો પાયો નાખ્યો હતો. તેમની વ્યૂહરચના ફળીભૂત થઈ અને KCRની આગેવાની હેઠળની ભારત રાષ્ટ્ર સમિતિ (BRS) સરકાર પડી ભાંગી.

વાત એમ છે કે આ સુનીલ કાનુગોલુને બે વર્ષ પહેલા મુખ્યમંત્રી કે. ચંદ્રશેખર રાવ (KCR) એ ચૂંટણીની રણનીતિ ઘડવા માટે તેમને હૈદરાબાદ પાસેના તેમના ફાર્મ હાઉસમાં આમંત્રણ આપ્યું હતું. સુનીલને તાજેતરમાં તમિલનાડુ ચૂંટણી પ્રચારમાંથી મુક્ત કરવામાં આવ્યો હતો અને તે નવી જવાબદારીઓ લેવા માટે તૈયાર હતો. ઘણા દિવસો સુધી બેઠકો ચાલુ રહી અને અંતે તેણે KCR માટે કામ ન કરવાનો નિર્ણય લીધો. 

થોડા દિવસો પછી, બધાને આશ્ચર્યચકિત કરીને સુનીલ અખિલ ભારતીય કોંગ્રેસ સમિતિ (AICC) ની ચૂંટણી વ્યૂહરચના સમિતિના અધ્યક્ષ તરીકે કોંગ્રેસમાં જોડાયો અને તે જ KCR પાસેથી આગેવાની લીધી. આજે કેસીઆરને સુનીલને પોતાના પક્ષમાં ન લેવાના નિર્ણય પર પસ્તાવો થતો હશે. કદાચ છેલ્લા કેટલાક વર્ષોમાં આ તેની સૌથી મોટી ભૂલોમાંથી એક છે.

An appreciation tweet for Sunil Kanugolu who carved Telangana Congress’ victory.

SK’s involvement in framing strategies was admirable. The campaign was innovative & exceptional.

It is with SK’s efforts Telangana Congress stood & fought united. pic.twitter.com/nNMalrohUn

— Darshni Reddy (@angrybirdtweetz) December 4, 2023

રાહુલ ગાંધી સાથે ખાસ જોડાણ
સુનીલ કાનુગોલુ માત્ર એક ઉત્તમ ચૂંટણી રણનીતિકાર જ નથી પરંતુ કોંગ્રેસના દિગ્ગજ નેતા રાહુલ ગાંધી સાથે પણ તેમનું ખાસ જોડાણ છે. સુનીલને કોંગ્રેસના વરિષ્ઠ નેતા રાહુલ ગાંધીના સીધા સલાહકાર પણ માનવામાં આવે છે.  સુનીલને માત્ર ચૂંટણી વ્યૂહરચનાનો માસ્ટરમાઈન્ડ કહેવાતો નથી, આ સિવાય તેણે કોંગ્રેસની ભારત જોડો યાત્રામાં પણ મહત્વની ભૂમિકા ભજવી હતી. તેમને ભારત જોડો યાત્રાના મુખ્ય ભાગનું આયોજન કરવાની જવાબદારી પણ સોંપવામાં આવી હતી. જણાવી દઈએ કે કોંગ્રેસ પહેલા સુનીલ કાનુગોલુ અન્ય રાજકીય પક્ષો સાથે પણ કામ કરી ચુક્યા છે. તેમાં મુખ્યત્વે AIADMK, ભારતીય જનતા પાર્ટી અને DMKનો સમાવેશ થાય છે.

સુનીલ કાનુગોલુએ ભાજપ સાથે પણ કામ કર્યું છે રસપ્રદ વાત એ છે કે, કોંગ્રેસ સાથે કામ કર્યા પહેલા સુનીલ કાનુગોલુએ ભાજપ સાથે પણ કામ કર્યું છે અને તેના ઘણા ચૂંટણી પ્રચારમાં વ્યૂહરચનાકાર તરીકે સામેલ થયા છે. સુનીલ કાનુગોલુ ભાજપના રણનીતિકાર પણ રહી ચૂક્યા છે. વર્ષ 2018માં તેમણે કર્ણાટકમાં ભાજપ સાથે કામ કર્યું અને પાર્ટી 104 બેઠકો સાથે સૌથી મોટી પાર્ટી બનવામાં સફળ રહી. આ સાથે જ એમને 2014માં નરેન્દ્ર મોદીના પ્રચાર તેમજ ઉત્તર પ્રદેશ અને ગુજરાતમાં પાર્ટીના રાજકીય અભિયાનો પર કામ કર્યું હતું.