સત્ર / ગુજરાતમાં 3 વર્ષમાં 25, 478 લોકોએ કર્યો આપઘાત, આ કારણો રહ્યા જવાબદાર

ગુજરાત વિધાનસભાનું ચોથું સત્ર 1 ફેબ્રુઆરીથી શરૂ થઈ ગયું છે. જે 29 ફેબ્રુઆરી સુધી સમગ્ર મહિના દરમ્યાન ચાલવાનો છે. જેમાં ધારાસભ્યો દ્વારા સરકારને વિવિધ સવાલો કરવામાં આવી રહ્યાં છે.જ્યારે સરકાર દ્વારા તે સવાલોના જવાબ આપવામાં આવી રહ્યાં છે.ત્યારે રાજ્યમાં છેલ્લા 3 વર્ષમાં 25 હજાર 478 વ્યક્તિઓએ આપઘાત કર્યો હોવાની વિગતો સામે આવી છે  

'ત્રણ વર્ષમાં 25,478 વ્યક્તિઓએ આપઘાત કર્યા'
કોંગ્રેસના ધારાસભ્ય ઇમરાન ખેડાવાલાના પ્રશ્નમાં સરકારે જવાબ આપ્યો હતો કે,રાજ્યમાં છેલ્લા ત્રણ વર્ષમાં 25,478 વ્યક્તિઓએ આપઘાત કર્યા છે. વર્ષ 2020-21માં 8,307 લોકોએ આપઘાત કર્યો હતો. જ્યારે વર્ષ 2021-22માં 8,614 લોકોએ આપઘાત કર્યો હતો.

વાંચવા જેવું: 'ગૂગલ મેપ રિવ્યૂ કરો અને કમાણી કરો', ગાંધીનગરના યુવાનને 11 લાખનો ચૂનો, વોટ્સએપ પર મોટો ફ્રોડ

પોલીસે 1901 લોકોની ધરપકડ કરી
આપઘાતના કિસ્સાઓમાં પોલીસે 1901 લોકોની ધરપકડ કરી છે.જ્યારે 180 પોલીસ પકડથી દૂર છે. આપઘાતના વિવિધ કારણો પણ ગૃહમાં રજૂ કરવામાં આવ્યા હતાં. માનસિક બીમારી, પ્રેમ પ્રકરણ, ગંભીર બીમારી, પારિવારિક સમસ્યાઓ, આર્થિક સંકડામણ અને પરીક્ષામાં નાપાસ થવાના ડર સહિત કારણોને લઈ આપઘાત કાર્યો હોવાની વિગતો જણાવી હતી.