હેલ્થ / સિગારેટના ધુમાડાથી બચીને રહેજો નહીં તો સપડાઇ જશો આ ગંભીર બીમારીમાં! કાનથી લઇને કિડની સુધી થશે અસર

• કેમિકલ આપણા સ્વાસ્થ્યને ખરાબ રીતે પ્રભાવિત કરે છે
• પેસિવ સ્મોકિંગની સૌથી વધુ અસર પ્રેગ્નેટ મહિલાઓ પર થાય છે
• પેસિવ સ્મોકિંગથી નાના બાળકોની રોગપ્રતિકારક શક્તિ નબળી પડી જાય છે

ધુમ્રપાન સ્વાસ્થ્ય માટે હાનિકારક છે. આ લાઈન આપણી સામે અગણિત વખત આવતી હશે. ધૂમ્રપાન સ્વાસ્થ્ય પર ખૂબ જ ખરાબ અસર કરે છે. તેનાથી હૃદય, સ્ટ્રોક, ફેફસાના કેન્સરનું જોખમ વધી જાય છે. WHOના રિપોર્ટ અનુસાર ધૂમ્રપાનને કારણે દરરોજ આશરે 14 હજાર લોકો પોતાનો જીવ ગુમાવે છે. માત્ર સિગારેટ પીતા જ નહીં પરંતુ સિગારેટ પીનારાની આસપાસ ઉભા રહેતા લોકોને પણ તેનાથી નુકસાન થાય છે. તેને પેસિવ સ્મોકિંગ (Passive Smoking) કહેવામાં આવે છે. તે ખૂબ જ નુકસાનકારક હોય છે અને ધીમે ધીમે સિગારેટનો ધુમાડો તમારા સ્વાસ્થ્યને ખરાબ અશર કરે છે. આવો તેના વિશે જાણીએ...

Passive Smoking શું છે?
સિગારેટ, બીડી કે સિગારમાંથી જે ધુમાડો નીકળે છે, તે ઝેરી હોય છે. તેને એક રીતે તેને ધુમાડાના અવશેષ પણ કહી શકો છો. જે તમારા વાળ, ચામડી, કપડાં, સામાન, રૂમ, કાર, કાર્પેટ અને બાળકોના રમકડાં પર પણ ચોંટી જાય છે. જ્યારે સિગારેટનો ધુમાડો બહાર આવે છે ત્યારે તે ઝેરી તત્વોના સંપર્કમાં આવીને કેમિકલ રિએક્શન કરે   છે. આ પછી તે વધુ ખતરનાક બની જાય છે. હવે જો તમે ધૂમ્રપાન નથી કર્યું તો પણ તમે સિગારેટના ધુમાડાના સંપર્કમાં આવી શકો છો. તેને પેસિવ સ્મોકિંગ કહેવામાં આવે છે. આ એવા કેમિકલ હોય છે જે આપણા સ્વાસ્થ્યને ખરાબ રીતે પ્રભાવિત કરે છે.

પ્રેગ્નેટ મહિલાઓ સાવધાન
પેસિવ સ્મોકિંગની સૌથી વધુ અસર પ્રેગ્નેટ મહિલાઓ પર થાય છે. તેનાથી ગર્ભમાં રહેલા બાળકને પણ નુકસાન થાય છે. એક રિસર્ચમાં જણાવવામાં આવ્યું છે કે પેસિવ સ્મોકિંગને કારણે ગર્ભસ્થ બાળકના ફેફસાના વિકાસમાં સમસ્યા થાય છે. જ્યારે બાળક જન્મે છે, ત્યારે તેને શ્વસન સંબંધી બીમારી હોય  શકે છે.

રોગપ્રતિકારક શક્તિ નાશ કરે છે
પેસિવ સ્મોકિંગથી નાના બાળકોની રોગપ્રતિકારક શક્તિ નબળી પડી જાય છે. તેનાથી અસ્થમા, કાનમાં ઈન્ફેક્શન, વારંવાર બીમાર પડવું અને ન્યુમોનિયા જેવી સમસ્યાઓ થઈ શકે છે. આટલું જ નહીં, પેસિવ સ્મોકિંગને કારણે પેન્ક્રિયાસ, કિડની, મોંઢાની બીમારી જેવી સમસ્યાઓ પણ થઈ શકે છે. ગળામાં પણ સમસ્યા થઈ શકે છે.