BIG BREAKING / ધોરણ 12 સાયન્સ બાદ હવે જૂન મહિનાના બીજા સપ્તાહમાં જાહેર થશે ધોરણ-10નું પરિણામ

• ધોરણ 12 વિજ્ઞાન પ્રવાહ બાદ હવે ધોરણ 10નું પરિણામ જાહેર થશે
• જૂનના બીજા સપ્તાહમાં જાહેર થશે ધોરણ 10નું પરિણામ
• રાજ્યમાં કુલ 9.48 લાખ વિદ્યાર્થીઓએ આપી હતી પરીક્ષા

આજ રોજ ધોરણ 12 સાયન્સનું પરિણામ જાહેર થઇ ગયું છે. ત્યારે હવે આગામી જૂન મહિનાના બીજા સપ્તાહમાં હવે ધોરણ 10નું પરિણામ જાહેર થશે. ધોરણ 12 સાયન્સ બાદ હવે ધોરણ 10નું પરિણામ જાહેર થશે. તમને જણાવી દઇએ કે, રાજ્યમાં 9.48 લાખ વિદ્યાર્થીઓએ ધોરણ 10ની પરીક્ષા આપી હતી. આ વર્ષે પરીક્ષામાં ગેરહાજર રહેનાર વિદ્યાર્થીઓની સંખ્યા 7 ટકા હતી. ધોરણ 10માં કુલ 9.72 લાખ વિદ્યાર્થીઓએ પરીક્ષા ફોર્મ ભર્યા હતાં.

જૂન મહિનાના બીજા સપ્તાહમાં જાહેર થશે ગુજરાત બૉર્ડ ધોરણ-10નું પરિણામ#GujaratGovernment #10thResult2022#GSEBSSCResult2022 #vtvcard pic.twitter.com/V4JQ8k91Vp

— VTV Gujarati News and Beyond (@VtvGujarati) May 12, 2022

અત્રે તમને જણાવી દઇએ કે, આજે ધોરણ 12 સાયન્સ અને GUJCETનું પરિણામ જાહેર થઇ ગયું છે. ગુજરાત બૉર્ડનું ધોરણ 12 સાયન્સનું 72.02% પરિણામ આવ્યું છે જે ગયા વર્ષે 71.34 ટકા હતું. આ વર્ષે 85.78 % સાથે રાજકોટ રાજ્યભરમાં અવ્વલ આવ્યો છે જ્યારે દાહોદમાં સૌથી ઓછું 40.19 % પરિણામ આવ્યું છે.

ધો. 12 સાયન્સનું 72.02 ટકા પરિણામ આવ્યું#jituvaghani #GSEBHSCScienceResult #vtvcard pic.twitter.com/jJWvGXm0ZK

— VTV Gujarati News and Beyond (@VtvGujarati) May 12, 2022

61 શાળાઓનું પરિણામ 10 ટકા કરતાં ઓછું

• ધોરણ 12 વિજ્ઞાન પ્રવાહનું પરિણામ 72.02 ટકા
• 64 શાળાઓનું 100 ટકા પરિણામ
• 1.08  લાખ વિદ્યાર્થીઓએ પરીક્ષા આપી હતી
• 61 શાળાઓનું પરિણામ 10 ટકા કરતાં ઓછું
• 196 વિદ્યાર્થીઓએ A-1 ગ્રેડ મેળવ્યો
• 3303 વિદ્યાર્થીઓએ મેળવ્યો A-2 ગ્રેડ
• અંગ્રેજી માધ્યમની શાળાનું પરિણામ 72.57 ટકા
• ગુજરાતી માધ્યમની શાળાનું પરિણામ 72.04 ટકા
• A ગ્રુપના વિદ્યાર્થીઓનું પરિણામ 78.40 ટકા
• B ગ્રુપના વિદ્યાર્થીઓનું પરિણામ 68.58 ટકા
• AB ગ્રુપના વિદ્યાર્થીનું પરિણામ 78.38 ટકા
• સૌથી વધુ પરિણામ રાજકોટ જિલ્લાનું 85.78 ટકા
• સૌથી ઓછું પરિણામ દાહોદ જિલ્લાનું 40.19 ટકા

રાજ્યમાં કુલ 1 લાખ 8 હજાર વિદ્યાર્થીએ 12 સાયન્સની પરીક્ષા આપી હતી

ઉલ્લેખનીય છે કે, રાજ્યમાં કુલ 1 લાખ 8 હજાર વિદ્યાર્થીએ 12 સાયન્સની પરીક્ષા આપી હતી. શિક્ષણ બોર્ડ દ્વારા ધો. 10 અને 12 સાયન્સના પેપર ચેકિંગની કામગીરી પૂર્ણ થઇ ચૂકી છે. જ્યારે હવે માત્ર ધો.12 કોમર્સનાં થોડાં પેપર ચેક કરવાનાં બાકી છે, જે આગામી દિવસોમાં પૂર્ણ થઇ જશે. ત્યાર બાદ તબક્કાવાર સૌથી પહેલા ધો.12 સાયન્સ, ત્યાર બાદ ધો.10 અને છેલ્લે ધો.12 સામાન્ય પ્રવાહનું પરિણામ જાહેર કરવામાં આવશે.