બ્રેકિંગ ન્યુઝ
સોનાના ભાવમાં ફરી થયો ઘટાડો
ગુજરાતમાં ગરમીનો પ્રકોપ, 41.4 ડિગ્રી તાપમાન સાથે મહુવા સૌથી ગરમ
ચાર ધામ યાત્રાને લઇ સરકારે કરી ગાઇડલાઇન જાહેર
આણંદના બોરસદના બોચાસણમાં ટ્રાન્સફોર્મરમાં બ્લાસ્ટ થતા ડીપીમાં લાગી ભયંકર આગ, છવાયો અંધારપટ
ક્ષત્રિય સમાજના આગેવાનો સાથે ભાજપ પ્રદેશ પ્રમુખની બેઠક, ગાંધીનગરમાં ભાજપ કાર્યાલય ખાતે બેઠક, સી.આર.પાટીલ અને ક્ષત્રિય આગેવાનો સાથે બેઠક
રાજનાથ સિંહ ગુજરાતની મુલાકાતે, રાહુલ ગાંધીની વિવાદીત ટીપ્પણીથી લઈને ક્ષત્રિય સમાજના વિરોધ મામલે કરી વાત
VTV / ગુજરાત / અમદાવાદ / Sriganesh of 1700 vehicle parking facility at Ahmedabad Riverfront from today
Vishal Khamar
Last Updated: 05:18 PM, 8 September 2023
મ્યુનિસિપલ કોર્પોરેશનના શાસકો દ્વારા સામાન્ય પ્રજાલક્ષી કામોને તો રાબેતા મુજબ પ્રાધાન્ય અપાઈ રહ્યું છે. આની સાથે વિકાસની દિશામાં સતત હરણફાળ ભરી રહેલા આપણા અમદાવાદના લોકો માટે એક-એકથી ચઢિયાતા એવા ભવ્ય પ્રોજેક્ટોની સોગાદ પણ અપાઈ રહી છે. હવે સાબરમતી રિવરફ્રન્ટની વાત કરીએ તો સમગ્ર દેશમાં નામના મેળવનાર સાબરમતી રિવરફ્રન્ટની શોભામાં વૃદ્ધિ કરવા માટે મ્યુનિસિપલ સત્તાવાળાઓએ ગત શનિવાર તા. ૨ સપ્ટેમ્બરે રૂ. ૨૪ કરોડના ખર્ચે તૈયાર કરાયેલા આંતરરાષ્ટ્રીય કક્ષાના રિવરફ્રન્ટના બંને કાંઠા પરના સ્પોર્ટ્સ કોમ્પ્લેક્સનું લોકાર્પણ કર્યું હતું અને હવે આજથી રિવરફ્રન્ટ પર વાહનના પાર્કિંગની સમસ્યાનો પણ અંત આવી જવાનો છે. કેમ કે રિવરફ્રન્ટના પશ્ચિમકાંઠે અટલબ્રિજની સામેના મલ્ટિલેવલ પાર્કિંગમાં શહેરીજનો ૭૦૦ કાર સહિત કુલ ૧૭૦૦ વાહનનું પાર્કિંગ કરી શકશે.
મલ્ટિલેવલ પાર્કિગમાં 700 કાર તેમજ 1700 વાહનોનું પાર્કિંગ કરી શકાશે
સાબરમતી રિવરફ્રન્ટ તેનાં અવનવાં આકર્ષણોથી સતત લોકોથી ઊભરાતો રહ્યો છે. રિવરફ્રન્ટ પર લોકોના ભારે ધસારા વચ્ચે વાહનનું પાર્કિંગ ક્યાં કરવું તેની મોટી સમસ્યા રહેતી હતી. આ સમસ્યાના નિરાકરણ માટે મ્યુનિ. સત્તાવાળાઓએ રિવરફ્રન્ટ પરના આઇકોનિક અટલબ્રિજની સામે રૂ. ૬૦ કરોડના ખર્ચે સાત માળ ઊંચા મલ્ટિલેવલ પાર્કિંગનું નિર્માણ હાથ ધર્યું હતું. આ મલ્ટિલેવલ પાર્કિંગ તૈયાર થઈ જતાં તેનું ગઈ કાલે મેયર કિરીટ પરમાર, ડેપ્યુટી મેયર ગીતા પટેલ, સ્ટેન્ડિંગ કમિટીના ચેરમેન હિતેશ બારોટ તેમજ ભાસ્કર ભટ્ટ, અરુણસિંહ રાજપૂત વગેરેની ઉપસ્થિતિમાં લોકાર્પણ કરાયું હતું. જોકે તેને આજથી વિધિવત્ લોકો માટે ખુલ્લું મુકાયું છે.
મલ્ટિલેવલ પાર્કિંગ 8710 ચોરસ મીટરનાં પ્લોટમાં આકાર પામ્યું
અટલબ્રિજની સામે અને એસવીપી હોસ્પિટલની બાજુમાં આવેલા રિવરફ્રન્ટ રોડ પરના આશરે ૮૭૧૦ ચોરસ મીટરના પ્લોટમાં આ મલ્ટિલેવલ પાર્કિંગ આકાર પામ્યું છે. જેનો બિલ્ટઅપ એરિયા ૩૮,૭૨૫ ચોરસ મીટર અને કોમર્શિયલ એરિયા ૧૮૦૦ ચોરસ મીટરનો છે. આ પાર્કિંગમાં તંત્ર દ્વારા ૧૮ દુકાન પણ બનાવાઈ છે. બેઝમેન્ટમાં ૧૭૦ કારનું પાર્કિંગ થઈ શકે તેવી વ્યવસ્થા હાલમાં ઊભી કરાઈ છે, જોકે બેઝમેન્ટનો ભાગ ઊંચો રખાયો હોઈ ભવિષ્યમાં ઉપર અને નીચે એમ બે લેવલમાં મિકેનિકલ પાર્કિંગ થઈ શકે તેવું પણ આયોજન કરાયું છે.
મલ્ટિલેવલ પાર્કિંગમાં નાગરિકો ૭૦૦ કાર અને ૧૦૦૦ ટુવ્હીલર પાર્ક કરી શકાશે
મલ્ટિલેવલ પાર્કિંગથી નાગરિકો ફ્લાવરપાર્ક, અટલબ્રિજ અને ઈવેન્ટ સેન્ટર જઈ શકશે. આ માટે સ્કાય વોક બનાવાયો છે. સાબરમતી રિવરફ્રન્ટ ડેવલપમેન્ટ કોર્પોરેશનના એક્ઝિક્યુટિવ ડિરેક્ટર આઈ. કે. પટેલ જણાવે છે કે આ મલ્ટિલેવલ પાર્કિંગમાં નાગરિકો ૭૦૦ કાર અને ૧૦૦૦ ટુવ્હીલર પાર્ક કરી શકશે. આને હાલમાં સાબરમતી રિવરફ્રન્ટ ડેવલપમેન્ટ કોર્પોરેશન દ્વારા પ્રાયોગિક ધોરણે ચલાવવામાં આવશે.
પાર્કિગમાં ક્યૂઆર કોડવાળી ટિકિટ આપવામાં આવશે
આ પાર્કિંગમાં કોઈ પણ નાગરિક વાહન લઈને પ્રવેશશે ત્યારે તેને એક ક્યૂઆર કોડવાળી ટિકિટ અપાશે અને જે પણ માળે વાહન પાર્ક કરશે ત્યાં એક પેમેન્ટ મશીન મુકાયું હશે, જ્યાં નાગરિકે ક્યૂઆર કોડ સ્કેન કરેલી ટિકિટ મૂકવાની રહેશે અને પોતાનું પેમેન્ટ કરવાનું રહેશે. જેટલા કલાક માટે વાહન પાર્ક કરવાનું ઇચ્છતા હોય તેટલા કલાક માટે વાહન પાર્કિંગ ચાર્જનું દર્શાવ્યા મુજબ નાગરિકે પેમેન્ટ કરવાનું રહેશે. બાકીનું જે બેલેન્સ હશે એ બતાવતી એક રસીદ પણ નાગરિકને મળશે. તંત્ર દ્વારા મલ્ટિલેવલ પાર્કિંગમાં એસવીપી હોસ્પિટલ માટે પણ પાર્કિંગની અલગ વ્યવસ્થા કરાઈ છે. બેઝમેન્ટનો ભાગ હોસ્પિટલ માટે રખાયો છે તેમજ છ એમ્બ્યુલન્સ પાર્કિંગની પણ વ્યવસ્થા કરાઈ છે. આજે સવારના નવ વાગ્યાથી શરૂ કરાયેલા આ મલ્ટિલેવલ પાર્કિંગમાં એન્ટ્રીથી લઈને એક્ઝિટ સુધીના દરેક ફલોર પર સીસીટીવી હોઈ ઈલેક્ટ્રિક વિહિકલના ચાર્જિંગ માટે ઈ-ઝોનની પણ વ્યવસ્થા છે.
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
સૌથી વધુ વંચાયેલું
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
લોકસભા ચૂંટણી 2024 / 'વિરોધ કરે છે તે જ ભાજપ સાથે મળેલા' કોંગ્રેસે સસ્પેન્ડ કર્યા બાદ નિલેશ કુંભાણીએ વીડિયો જાહેર કર્યો
Lok Sabha Election 2024
પ્રચાર
ટોપ સ્ટોરીઝ
મનોરંજન / શું તારક મહેતાના સોઢીનું અપહરણ થયું? પોલીસે નોંધ્યો અપહરણનો કેસ, ફોનમાંથી થયા અનેક ટ્રાન્ઝેક્શન
Gurucharan Singh
સાસુ-વહુનો લવ / પરણીને તરત સાસુના પ્રેમમાં પડી વહુ, બોલી- 'મારી સાથે સંબંધ બાંધ', દીકરામાં રસ નથી'
up crime