ન્યાયિક ચુકાદો / પ્રાઈવેટ પાર્ટ દબાવવો હત્યાનો પ્રયાસ ન ગણી શકાય, હાઈકોર્ટની મહત્વની ટીપ્પણી, આરોપીની સજા ઘટાડી

• કર્ણાટક હાઈકોર્ટની મહત્વની ટીપ્પણી
• પુરુષના વૃષણને દબાવવાના કામને ન ગણ્યો હત્યાનો પ્રયાસ
• આરોપીની સજા ઘટાડીને કરી 3 વર્ષની 

એક મહત્વપૂર્ણ ટિપ્પણી કરતાં કર્ણાટક હાઈકોર્ટે કહ્યું કે ઝગડામાં કોઈ વ્યક્તિના પ્રાઈવેટ પાર્ટનો દબાવવો હત્યાનો પ્રયાસ ન માની શકાય. હાઈકોર્ટે ટ્રાયલ કોર્ટની સજા પણ ઘટાડી દીધી છે. ટ્રાયલ કોર્ટે 38 વર્ષીય વ્યક્તિને આવી ઘટના માટે "ગંભીર ઈજા પહોંચાડવા" માટે દોષી ઠેરવ્યો હતો, જે પછી તેને સાત વર્ષની સજા ફટકારવામાં આવી હતી. હાઈકોર્ટે પણ આ કેસને ધ્યાનમાં લેતા સજા ઘટાડીને ત્રણ વર્ષની કરી દીધી છે.

બે જણા વચ્ચે ઝગડો થયો, એકે બીજાનો દબાવ્યો પ્રાઈવેટ પાર્ટ 
કર્ણાટક હાઇકોર્ટે દલીલ કરી હતી કે, પીડિતાની હત્યા કરવાનો આરોપીનો કોઇ ઇરાદો નથી અને ઝગડામાં આ ઈજા થઈ હતી. કોર્ટે કહ્યું કે, આરોપી અને ફરિયાદી વચ્ચે ઝઘડો થયો હતો. તે ઝઘડા દરમિયાન જ આરોપીએ ફરિયાદીના અંડકોષ દબાવીને તેને ઘાયલ કર્યો હતો. કોર્ટે કહ્યું કે આરોપીનો ઈરાદો ફરિયાદીની હત્યાનો નહોતો, જોકે તે ખૂન કરવા આવ્યો હોત તો પૂરતી તૈયારી કરીને આવ્યો હોત. હાઈકોર્ટનું કહેવું છે કે આરોપીએ પીડિતાને ગંભીર ઈજા પહોંચાડી છે. તેના કારણે તેનું મોત થઈ શકતું હતું, પરંતુ આરોપીનો એવો ઈરાદો નહોતો. જસ્ટિસ કે નટરાજને કહ્યું કે અંડકોષ શરીરનો એક મહત્વપૂર્ણ ભાગ છે જે મોતનું કારણ બની શકે છે. અંડકોષમાં ઈજા થવાને કારણે પીડિતાને હોસ્પિટલ લઈ જવામાં આવ્યો જ્યાં તેની સર્જરી કરવામાં આવી અને અંડકોષ કાઢવામાં આવ્યા. 

શું બની હતી ઘટના 
કર્ણાટકમાં  'નરસિંહસ્વામી'ના મેળામાં બે જણા વચ્ચે મારામારી થઈ હતી આ દરમિયાન આરોપી પરમેશ્વરપ્પા મોટરસાઈકલ પર ત્યાં આવ્યો હતો અને ઓમકારપ્પા નામના વ્યક્તિ સાથે ઝગડો કરવા લાગ્યો હતો ત્યાર બાદ તેણે ઓમકારપ્પાના પ્રાઈવેટ પાર્ટને દબાવ્યો હતો.