વરસાદી માહોલ / ખેલૈયાઓના રંગમાં ભંગ: આ જિલ્લાઓમાં વાગ્યા વરસાદના ડાકલા, જાણો આવતીકાલનો હવામાનનો મૂડ

• મહિસાગર જીલ્લાનાં વાતાવરણમાં પલ્ટો આવ્યો
• અરવલ્લી જિલ્લાના માલપુર, મોડાસા અને મેઘરજ તાલુકામાં વરસાદ પડ્યો
• વરસાદને પગલે ગરબાની તૈયારી કરનારા આયોજકો પણ ચિંતામાં 

 

મહીસાગરમાં પણ ખેલૈયાઓની મજા પર પાણી ફરી વળે તેવો ઘાટ  સર્જાયો છે.. મહિસાગર જિલ્લામાં પણ વાતાવારણમાં પલટો આવ્યો હતો. જિલ્લાના અનેક વિસ્તારોમાં વરસાદ પડ્યો હતો.. તો કેટલાક વિસ્તારમાં ધોધમાર વરસાદ પડ્યો હતો.. જેને પગલે નવરાત્રી આયોજકો પણ ચિંતામાં મુકાયા છે.

અરવલ્લી જિલ્લામાં પણ વરસાદે એન્ટ્રી મારીને નવરાત્રીની રાહ જોઈ રહેલા ખેલૈયાઓનો મૂડ ફીકો કરી નાખ્યો છે.. અરવલ્લી જિલ્લાના માલપુર, મોડાસા અને મેઘરજ તાલુકામાં વરસાદ પડ્યો હતો. વરસાદને પગલે ગરબાની તૈયારી કરનારા આયોજકો પણ ચિંતામાં મુકાયા છે. તો સાથે જ સોયાબીન, મગફળીના તૈયાર પાકમાં નુકસાન થવાની ભીતિ સર્જાઈ છે..

આજથી નવરાત્રીની શરૂઆત થઈ રહી છે.. ત્યારે નવરાત્રી પર વરસાદનું સંકટ ઘેરાયું છે.. દાહોદમાં પ્રથમ નોરતે જ વરસાદ વિઘ્ન બન્યો છે.. દાહોદ જિલ્લામાં ધીમીધારે વરસાદ પડ્યો હતો.. તો અનેક સ્થળોએ નવરાત્રીની તૈયારીઓ કરી દેવામાં આવી હતી જેના પર પાણી ફરી વળ્યું છે.