રેકોર્ડ / રોહિત શર્માએ ઈતિહાસ રચ્યો, શાહિદ આફ્રિદીને પાછળ છોડી બનાવ્યો વર્લ્ડ રેકોર્ડ

ભારત અને દક્ષિણ આફ્રિકા વચ્ચે 30 નવેમ્બર, રવિવારના રોજ ODI શ્રેણીની પહેલી મેચ રમાઈ હતી. આ મેચમાં ભારતીય ટીમના અનુભવી બેટ્સમેન રોહિત શર્મા અને વિરાટ કોહલીએ શાનદાર બેટિંગ કરી. કોહલી અને રોહિતે બીજી વિકેટ માટે શાનદાર સદીની ભાગીદારી કરી. આ 20મી વખત બન્યું જ્યારે આ જોડીએ ODIમાં સદીની ભાગીદારી કરી છે.

આ મેચમાં રોહિત શર્માએ એક મોટો રેકોર્ડ બનાવ્યો. તે હવે ODI માં સૌથી વધુ છગ્ગા મારનાર બેટ્સમેન બની ગયો છે. આ મેચ પહેલા, રોહિતને પાકિસ્તાનના ભૂતપૂર્વ કેપ્ટન શાહિદ આફ્રિદીનો રેકોર્ડ તોડવા માટે ત્રણ છગ્ગાની જરૂર હતી. તેણે ભારતીય ઇનિંગ્સની 20મી ઓવરમાં માર્કો જેનસેનની બોલ પર છગ્ગા ફટકારીને આફ્રિદીને પાછળ છોડી દીધો. આફ્રિદીએ 398 ODI માં 351 છગ્ગા ફટકાર્યા હતા, જે રેકોર્ડ રોહિતે હવે તોડી નાખ્યો છે. રોહિતે હવે 277 ODI માં 352 છગ્ગા ફટકાર્યા છે.

વનડેમાં સૌથી વધુ સિક્સર

• 352*- રોહિત શર્મા (ભારત)
• 351- શાહિદ આફ્રિદી (એશિયા/પાકિસ્તાન/ICC)
• 331- ક્રિસ ગેલ (વેસ્ટ ઈન્ડિઝ/ICC)
• 270- સનથ જયસૂર્યા (એશિયા/શ્રીલંકા)
• 229- એમએસ ધોની (એશિયા/ઈન્ડિયા)

રોહિત શર્માએ 51 બોલમાં 57 રન બનાવ્યા, જેમાં પાંચ ચોગ્ગા અને ત્રણ છગ્ગા ફટકાર્યા. રોહિત અને વિરાટ કોહલીએ બીજી વિકેટ માટે 136 રનની પાર્ટનરશીપ કરી. માર્કો જેન્સેનના હાથે તેમને એલબીડબ્લ્યુ આઉટ કરવામાં આવ્યા. આ તેમનો 50 થી વધુનો સતત ત્રીજો વનડે સ્કોર છે.

વધુ વાંચો: T20 ક્રિકેટમાં બન્યા 300થી વધુ રન, ભારતીય ધરતી પર આવું માત્ર બીજી વાર થયું!

38 વર્ષીય રોહિત શર્મા આંતરરાષ્ટ્રીય ક્રિકેટમાં બીજી એક ઐતિહાસિક સિદ્ધિની ખૂબ નજીક છે. આ "હિટમેન" 650 ઈન્ટરનેશનલ છગ્ગા ફટકારનાર વિશ્વનો પ્રથમ બેટ્સમેન બની શકે છે. હાલમાં, તેના નામે 645 છગ્ગા છે, એટલે કે આ રેકોર્ડ સુધી પહોંચવા માટે તેને ફક્ત 5 છગ્ગાની જરૂર છે. નોંધનીય છે કે, વિશ્વનો બીજો કોઈ બેટ્સમેન હજુ સુધી 600 છગ્ગાનો આંકડો પાર કરી શક્યો નથી. દિગ્ગજ ક્રિસ ગેલ (553 છગ્ગા) પણ રોહિતથી ઘણો પાછળ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ