સ્પર્શ મહોત્સવ / અમદાવાદમાં એવી જગ્યા કે બાળકોને ફરવાનો મજજો પડી જશે, ભક્તિ,જ્ઞાન સાથે ગેમ્સનું ટકાટક આયોજન

• જૈન સમાજ દ્વારા સ્પર્શ મહોત્સવનું કરાયું આયોજન
• સ્પર્શ મહોત્સવમાં બાળકો માટે રત્ન વાટિકા કરાઇ તૈયાર
• મહોત્સવમાં વિવિધ પ્રદર્શનનું કર્યુ આયોજન

અમદાવાદમાં પ્રમુખ સ્વામી મહારાજના શતાબ્દી મહોત્સવ બાદ જીએમડીસી ગ્રાઉન્ડ ખાતે જૈન સમાજ દ્વારા સ્પર્શ મહોત્સવનું આયોજન કરવામાં આવ્યું છે. આ સ્પર્શ નગરીમાં બાળકો ટેકનોલોજીનો સદુપયોગ કરે તે માટે એક રત્ન વાટિકા તૈયાર કરવામાં આવી છે. જેની અંદર બાળકોને ટેકનોલોજી સાથે જુદી જુદી પ્રકારની રમત પણ રમાડવામાં આવી રહી છે. જેમાં બાળકો નોલેજ લઇ ધર્મ અને સમાજ સાથે જોડાયેલા રહે તે માટેનું જ્ઞાન પણ આપવામાં આવી રહ્યું છે.

લેખિત 400માં પુસ્તકનું વિમોચન કરાયું

અમદાવાદના સ્પર્શ મહોત્સવમાં જૈન સમાજના વિજયસુંદર સૂરીશ્વરજી મહારાજ દ્વારા લેખિત 400માં પુસ્તકનું વિમોચન પણ કરવામાં આવ્યું છે. આ સ્પર્શ નગરીની અંદર આજના બાળકોને સારા સંસ્કારોનું સિંચન થાય, વ્યસન મુક્ત બને, પરિવાર સાથે જોડાયેલા રહે અને સમાજમાં ઉપયોગી થાય તેવા અનેક અલગ અલગ પ્રકારના પ્રદર્શનો તૈયાર કરવામાં આવ્યા છે. 

બાળકો માટે રત્ન વાટિકા

સ્પર્શ નગરીની અંદર એક રત્ન વાટિકા બનાવવામાં આવી છે. જેનો મુખ્ય ઉદ્દેશ આજના બાળકો ટેકનોલોજી સાથે જોડાયેલા છે. જેમાં મોબાઈલ ફોન, લેપટોપ, ટેબલેટ જેવી વસ્તુઓની અંદર અત્યારે અલગ અલગ પ્રકારની રમતો રમતા હોય છે. જેના કારણે નોલેજ મળતું નથી. રત્ન વાટિકાનું જે અહીંયા સર્જન કરવામાં આવ્યું છે. 

સ્પર્શનગરીની અંદર બાળકોને સારા સંસ્કારોનું સિંચન થાય અને કઈ વસ્તુઓ ખાવી જોઈએ કે કઈ વસ્તુઓ ન ખાવી જોઈએ તેના વિશે પણ માહિતી આપવામાં આવી રહી છે. જેમાં સાપસીડી મારફતે પણ બાળકોને સમજાવવામાં આવી રહ્યું છે કે ટીવી જોવાથી કે ચોકલેટ જેવી વસ્તુઓ ખાવાથી નુકસાન થાય છે. જ્યારે બાળકોને પણ એક રાક્ષસી મુદ્રા સાથે બતાવવામાં આવ્યું છે કે સિગારેટ, દારૂ અને માંસાહારી વસ્તુ ખાવી ન જોઈએ.