સ્કિન કેર ટિપ્સ / ગરમીના કારણે મોઢાનું ચીકણું થઈ જાય છે? આ રહ્યો ઓઈલી સ્કીનનો સસ્તો અને સારો તોડ

મોટાભાગના લોકો તૈલી ત્વચાથી પરેશાન હોય છે. ખાસ કરીને જેમ જેમ ઉનાળો નજીક આવે છે તેમ તેમ તેમને વધુ મુશ્કેલીનો સામનો કરવો પડે છે. ઓઇલી સ્કિનને કંટ્રોલ કરવા માટે લોકો ઘણા પ્રયાસો કરે છે. જો તમે પણ તૈલી ત્વચાથી છુટકારો મેળવવા અને તમારી ત્વચાને ચમકદાર બનાવવા માંગતા હોવ તો તમે કેટલાક આસાન ઘરેલું ઉપાય અજમાવી શકો છો.

ઓઈલી ત્વચાથી છુટકારો મેળવો

તૈલી ત્વચા એક સામાન્ય સમસ્યા છે. જે ખીલ, બ્લેકહેડ્સ અને પિમ્પલ્સ જેવી અન્ય સમસ્યાઓનું કારણ બની શકે છે. પરંતુ કેટલાક ઘરેલું ઉપચારની મદદથી તમે તૈલી ત્વચાથી રાહત મેળવી શકો છો. તૈલી ત્વચાથી છુટકારો મેળવવા માટે એક ચમચી મુલતાની માટીમાં થોડું દહીં અને ગુલાબજળ મિક્સ કરીને પેસ્ટ બનાવો. આ પેસ્ટને તમારા ચહેરા પર 20 મિનિટ સુધી લગાવો પછી ઠંડા પાણીથી ધોઈ લો. અઠવાડિયામાં બે થી ત્રણ વાર આવું કરો, તેનાથી તમને આરામ મળશે. 

દહીં અને લીંબુના રસથી ફાયદો થશે

એક ચમચી ચણાના લોટમાં થોડું દહીં અને લીંબુનો રસ મિક્સ કરીને પેસ્ટ બનાવો. તેને તમારા ચહેરા પર 20 મિનિટ માટે લગાવો, પછી તેને ઠંડા પાણીથી ધોઈ લો. આ સિવાય ગુલાબજળ ત્વચાને હાઇડ્રેટ કરે છે, તેથી દરરોજ સવારે અને સાંજે તમારા ચહેરા પર ગુલાબજળનો છંટકાવ કરો.

વધુ વાંચો : જો તમે ઉનાળામાં સનસ્ક્રીન લગાવો છો તો જાણો સાચી રીત, નહીંતર થશે નુકસાન

કેટલીક બાબતો ધ્યાનમાં રાખો

આ તમામ ઉપાયોને અનુસરીને તમે તૈલી ત્વચાથી રાહત મેળવી શકો છો. પરંતુ આ સિવાય તમારે કેટલીક બાબતોનું પણ ધ્યાન રાખવું જોઈએ જેમ કે દિવસમાં બે વાર ચહેરો ધોવો, ઓઈલ ફ્રી ફેસ વોશ અને મોઈશ્ચરાઈઝરનો ઉપયોગ કરો, જો તમારા ચહેરા પર પિમ્પલ્સ હોય તો તેને વારંવાર સ્પર્શ ન કરો. સમયાંતરે પાણી પીતા રહો અને તણાવ ઓછો કરો. જો કોઈ ઘરેલું ઉપાયને કારણે એલર્જી હોય તો ચોક્કસ ડૉક્ટરની સલાહ લો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો