નિવેદન / કોંગ્રેસ ધારાસભ્યોના રાજીનામા પાછળ PM મોદી અને અમિત શાહનો હાથ: સિદ્ધારમૈયા

કર્ણાટકમાં કોંગ્રેસને લાગેલા ઝટકા બાદ રાજકારણ ગરમાયું છે અને નિવેદનબાજી થઇ રહી છે. વરિષ્ઠ કોંગ્રેસ નેતા અને કર્ણાટકના પૂર્વ મુખ્યમંત્રી સિદ્ધારમૈયાએ કોંગ્રેસ ધારાસભ્ય આનંદ સિંહ અને રમેશ જરકિહોલીના વિધાનસભાથી રાજીનામું આપ્યા પાછળ પ્રધાન મંત્રી નરેન્દ્ર મોદી અને ગૃહમંત્રી અમિત શાહનો હાથ હોવાનું જણાવ્યું છે. 

સિદ્ધારમૈયાએ કહ્યું, 'એમાં અમિત શાહ સીધી રીતે સામેલ છે, પ્રધાનમંત્રી પણ.' એ તાકાત અને પૈસાની લાલચ આપી રહ્યા છે. એ આ સરકારને પાડવા ઇચ્છે છે પરંતુ તેઓ એમાં સફળ થશે નહીં. કર્ણાટક સરકારને કોઇ ખતરો નથી. બંને ધારસભ્ય ભાજપમાં સામેલ થશે નહીં.'

જણાવી દઇએ કે ગત સોમવારે કર્ણાટકમાં કોંગ્રેસના બે ધારાસભ્યોએ રાજીનામું આપી દીધું હતું. ત્યારબાદથી રાજ્યમાં રાજકીય હલચલ ફાસ્ટ વધી ગઇ છે. પહેલા બેલ્લારી જિલ્લાના વિજયનગરથી કોંગ્રેસ સાંસદ આનંદ સિંહે વિધાનસભા સભ્યતાથી રાજીનામું આપી દીધું હતું. ત્યાર બાદ બીજા એક કોંગ્રેસના ધારાસભ્ય રમેશ જરકિહોલીએ પણ વિધાનસભાથી રાજીનામું આપી દીધું. 

Siddaramaiah on Congress MLAs Anand Singh&Ramesh Jarkiholi resign from assembly: Amit Shah is directly involved in this, PM also. They are offering power and money. They want to pull down this Govt but will not succeed. No threat to Karnataka Govt. The two MLAs will not join BJP pic.twitter.com/pNXR0iN1Ps

— ANI (@ANI) July 2, 2019

વાસ્તવમાં આનંદ સિંહને વિધાનસભામાં મંત્રી પદની આશા હતી. ગત વર્ષે કોંગ્રેસ નેતૃત્વએ એમને વિશ્વાસ અપાવ્યો હતો કે એમને મંત્રી બનાવવામાં આવશે. જો કે બે વખત કેબિનેટ ગઠન છતાં એમના હાથ ખાલી જ રહ્યા.