કોલકાતા નાઈટ રાઇડર્સ (કેકેઆર) ને બેવડો ફટકો પડ્યો છે. પહેલા કેકેઆરને રાજસ્થાન રોયલ્સ સામે હાર મળી હતી અને હવે કેપ્ટન શ્રેયસ અય્યરને બીસીસીઆઇએ દંડ ફટકાર્યો છે. સ્લો ઓવર રેટ બદલ કોલકાતા નાઇટ રાઇડર્સને દંડ ફટકારવામાં આવ્યો છે. આઈપીએલના આયોજકોએ સુકાની શ્રેયસ અય્યરને 12 લાખ રૂપિયાનો દંડ ફટકાર્યો છે.
વધુ વાંચો : શુભમન ગિલ કે યશસ્વી જયસ્વાલ કોનું પત્તુ કપાશે? BCCI ની સિલેકશન કમિટી લેશે નિર્ણય
સ્લો ઓવર રેટ જાળવી રાખવા બદલ દંડ
આઈપીએલ દ્વારા જારી કરવામાં આવેલી એક મીડિયા રિલીઝ અનુસાર, "કોલકાતા નાઇટ રાઇડર્સના કેપ્ટન શ્રેયસ અય્યરને 17 એપ્રિલે ઇડન ગાર્ડન્સ ખાતે રાજસ્થાન રોયલ્સ સામેની આઈપીએલ 2024 ની મેચ દરમિયાન સ્લો ઓવર રેટ જાળવી રાખ્યા બાદ દંડ ફટકારવામાં આવ્યો છે." આઇપીએલની આચારસંહિતા હેઠળ તેની ટીમનો આ સિઝનનો આ પ્રથમ ગુનો હોવાથી લઘુત્તમ ઓવર રેટના ગુનાઓ સંબંધિત હોવાથી ઐયરને રુપિયા 12 લાખનો દંડ ફટકારવામાં આવ્યો છે.
બીજી ભૂલ થશે તો અય્યરને થશે 24 લાખનો દંડ
કેપ્ટન શ્રેયસ અય્યરે આ ગુનો કબૂલ્યો હતો. આવી સ્થિતિમાં, આ અંગે વધુ સુનાવણી થશે નહીં. જોકે હવે તેણે વધારે સાવચેત રહેવું પડશે, કારણ કે આગામી વખતે તેમના સિવાય ટીમના બાકીના ખેલાડીઓને પણ દંડ ફટકારવામાં આવશે. હવે પછી જ્યારે કેકેઆર સ્લો ઓવર રેટ માટે દોષી સાબિત થશે તો કેપ્ટનને 24 લાખ રૂપિયા અને ટીમના બાકીના સભ્યોને 6-6 લાખ રૂપિયા સુધીનો દંડ થઈ શકે છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
