રાજકોટ / સૌરાષ્ટ્રમાં દુકાન-વાહનવાળા નથી સ્વીકારતા 10 રૂપિયાનો સિક્કો, જોઈલો સિક્કો લેવાની ના પાડતો VIDEO

• સૌરાષ્ટ્રમાં રૂપિયા 10નો સિક્કો ન સ્વીકારાતો હોવાની રાવ  
• સૌરાષ્ટ્રમાં મોટાભાગના રિક્ષા ચાલકો નથી સ્વીકારતા 10નો સિક્કો
• 10 રૂપિયાનો સિક્કો લેવાની ના પડતા રિક્ષાચાલકનો વીડિયો વાયરલ

સરકારના અને આરબીઆઈના નિયમને ન ગણકારી સૌરાષ્ટ્રના મોટાભાગના વિસ્તારમાં વેપારીઓ કે વાહન ચાલકો 10 રૂપિયાના સિક્કાને સ્વીકારતા નથી. જેના કડવા અનુભવ અંગે લોકોમાં અનેક વખત ફરિયાદો ઉઠી રહી છે. અમારી પાસેથી કોઇ 10 નો સિક્કો નથી લેતા તેવુ ગાણું ગાઈ દુકાનદારો અને વાહનવાળા 10 નો સિક્કો લેવાની ચોખ્ખી મનાઈ ફરમાવી દે છે.આ અંગે સ્થાનિક તંત્ર અને આરબીઆઈની વખતો વખતની સ્પષ્ટતા અને કડક કાર્યવાહીની સૂચના આપવા છતા આવા તત્વો નીતિ-નિયમ નેવે મૂકીને 10 નો સિક્કો ગણકારતા નથી. તેવામાં સિક્કો લેવાની ના પાડતા રિક્ષાચાલકનો વીડિયો વાયરલ થયો છે. જે શુ કહે છે. જુઓ VIDEO...

શું છે સજાની જોગવાઈ ? 
ભારતીય દંડ સંહિતાની કલમ 489એથી 489ઈના આધારે નોટ કે સિક્કાના નકલી મુદ્રણ, નકલી નોટ કે સિક્કા ચલાવવા અને યોગ્ય સિક્કા લેવાની મનાઈ કરવી એ અપરાધ છે. આ કલમના આધારે કોઈ વિધિક ન્યાયાલય દ્વારા આર્થિક દંડ, કારાવાસ કે બંનેની જોગવાઈ કરવામાં આવી છે. એવામાં જો તમારી પાસે કોઈ સિક્કો લેવાની ના પાડે તો જરૂરી સબૂતની સાથે કાર્યવાહી થઇ શકે છે. આથી 10 નો સિક્કો ન સ્વીકારતા લોકો ચેતી જજો નહિ તો કડક કાર્યવાહી થશે.  

આરબીઆઈએ પણ આપી હતી જાણકારી
અગાઉ 10 રૂપિયાના સિક્કાને લઈને અફવા ફેલાવવામાં આવી રહી હતી તેને આરબાઆઈએ ખોટી ગણાવી હતી. એવામાં 10 રૂપિયાના કોઈ પણ સિક્કાને લેન દેનમાં ઉપયોગમાં લઈ શકો છો. તેમ જણાવ્યુ હતું. ઉલ્લેખનીય છે કે ભારતીય રિઝર્વ બેંક 2 રૂપિયાથી લઈને 10000 રૂપિયાની નોટનું પ્રિન્ટિંગ કરવા અધિકૃત છે. એક રૂપિયાની નોટ આરબીઆઈના નાણામંત્રાલયની તરફથી છાપવામાં આવે છે. તેની પર નાણા સચિવના હસ્તાક્ષર પણ હોય છે.