NULL / વાડજ રોડ પર ઇલેક્ટ્રોનિક અને હાર્ડવેરની દુકાનમાં લાગી વિકરાળ આગ

અમદાવાદઃ અખબાર નગરથી વાડજના રોડ પર ઈલેક્ટ્રોનિક અને હાર્ડવેરની દુકાનમાં આગ લાગી હતી. આ આગ શોર્ટ સર્કિટ થવાના કારણે લાગવાનુ પ્રાથમિક તપાસમાં બહાર આવ્યુ હતુ. આ ઘટનાની જાણ થતા ફાયર વિભાગની 7 ગાડીઓ ઘટના સ્થળે પહોંચી હતી. ત્યાર બાદ ભારે જહેમત બાદ ફાયર વિભાગના અધિકારીઓએ આગને કાબૂમાં લીધી હતી.. આ ઘટના સર્જાતા લોકોના ટોળે ટોળા ઘટના સ્થળે દોડી આવ્યા હતા. 

મળતી માહિતી અનુસાર રાત્રે 1.30 કલાકે અખબારનગર કિટલી સર્કલ નજીક આગ લાગવાની ઘટના બની હતી. જેમા આર.આર.ઈલેટ્રીક્લ અને હાર્ડવેરની દુકાનમાં શોર્ટ સર્કિટ થવાના કારણે આગ લાગી હતી. આગે મોટું વિકરાળ સ્વરૂપ ધારણ કર્યું હતું. ફાયરની 7 ગાડીઓએ આગ પર સંપૂણ કાબુ મેળવ્યો હતો. મોડી રાત્રે આગ લાગતા આસપાસનાં રહિશો એકત્રિત થઈ ગયા હતા. ફાયરની ટીમ પહોંચે તે પહેલાં આગ પર કાબૂ મેળવવાના પ્રયત્નો પણ હાથ ધર્યા હતા.