મનોરંજન / 'રામાયણ'નું શૂટિંગ શરૂ થશે માર્ચ 2024થી, નિર્માતા મધુ મન્ટેનાએ પ્રોજેક્ટ છોડવો પડ્યો

• 'રામાયણ'નું શૂટિંગ માર્ચ 2024થી શરૂ થશે
• રણબીર કપૂર સાથે નિતેશ તિવારીની રામાયણ બનવા જઈ રહી છે
• 2026 પહેલા રિલીઝ થવાની શક્યતાઓ ઘણી ઓછી

સ્ટાર કાસ્ટને લઈને ઘણા વિવાદો બાદ હવે રણબીર કપૂર સાથે નિતેશ તિવારીની રામાયણ બનવા જઈ રહી છે. આ 'રામાયણ'નું શૂટિંગ માર્ચ 2024થી શરૂ થશે. નોંધનિય છે કે નિતેશ તિવારીની રામાયણ ઘણા સમયથી ચર્ચામાં છે. ક્યારેક કાસ્ટિંગ સમસ્યા તો ક્યારેક આદિપુરુષ વિવાદનું ચક્ર. પરંતુ આ ગૂંચ હવે ઉકેલાઈ ગયું છે. હવે 'રામાયણ'નું શૂટિંગ માર્ચ 2024થી શરૂ થાય તેવો દાવો કરાઈ રહ્યો છે.

ડાયરેક્ટર નિતેશ તિવારીએ જણાવ્યું કે...
દંગલના ડાયરેક્ટર નિતેશ તિવારીએ જણાવ્યું કે તેઓ રામાયણ પર ફિલ્મ બનાવવા જઈ રહ્યા છે. મધુ મન્ટેના જેમણે અલ્લુ અરવિંદ સાથે 'ગજની' ફિલ્મ બનાવી હતી.તે આમાં કામ કરવાના હતા. જોકે હાલ તેઓએ છોડી દીધું છે. મધુ, અનુરાગ કશ્યપ, વિક્રમાદિત્ય મોટવાને અને વિકાસ બહલ સાથે મળીને ફેન્ટમ ફિલ્મ્સ નામની પ્રોડક્શન કંપની શરૂ કરી હતી.

વિશ્વની ટોચની VFX કંપની ફિલ્મ સાથે જોડ્યા

મધુ મન્ટેના પણ અલ્લુ અરવિંદ સાથે 'રામાયણ' બનાવવાની દિશામાં કાર્યરત હતા. 'રામાયણ' એક VFX હેવી ફિલ્મ બનવાની હતી. તેથી જ આ લોકોએ વિશ્વની ટોચની VFX કંપની DNEGના માલિક નમિત મલ્હોત્રાને ફિલ્મ સાથે જોડ્યા. 

સત્તાવાર સમર્થન અપાયું નથી
પાત્રની વાત કરીએ તો નમિત 'રામાયણ' સાથે જોડાયા પછી કાસ્ટિંગ શરૂ થવાનું હતું. રામના રોલ માટે રણબીર કપૂર, સાઈ પલ્લવી સીતાનું પાત્ર અને યશ રાવણનું પાત્ર ભજવી શકે છે વધુમાં સની દેઓલ ભગવાન હનુમાન બનાવવાની વાત ચાલી રહી છે. પરંતુ આ બાબતને સત્તાવાર સમર્થન અપાયું નથી. આ દરમિયાન મધુ મન્ટેના અને નમિત મલ્હોત્રા વચ્ચે ગજગ્રહ શરૂ થયો હતો. જેને કારણે ફિલ્મ વિલંબમાં પડી રહી છે.

હવે ડખ્ખાથી કંટાળી મધુ મંટેનાએ પિક્ચર છોડી દીધું છે. નમિત મલ્હોત્રાની કંપનીએ ફિલ્મના VFX પર ઘણું કામ કર્યું છે અને કામગીરી સતત ચાલુ છે. તેથી, હવે તે VFX સાથે ફિલ્મનું નિર્માણ પણ કરશે. વધુમાં નિતેશ તિવારી અને રવિ ઉદ્યાવર મળીને ફિલ્મનું નિર્દેશન કરવા જઈ રહ્યા છે.

2026 પહેલા રિલીઝ થવાની શક્યતાઓ ઘણી ઓછી
વધુમાં અહેવાલો એવા મળી રહ્યા છે કે રામાયણનું પ્રી-પ્રોડક્શન કામ છેલ્લા છ મહિનાથી ચાલી રહ્યું છે. આ ફિલ્મનું શૂટિંગ માર્ચ 2024થી શરૂ થશે. જો આ વાત સાચી સાબિત થાય તો પણ 2026 પહેલા રિલીઝ થવાની શક્યતાઓ ઘણી ઓછી છે.