ક્રિકેટ / VIDEO : પ્રાઈવેટ પાર્ટ પર એટલા જોરથી બોલ વાગ્યો કે તરત મર્યો છોકરો, મેદાનમાં હાહાકાર

ગયા અઠવાડિયે મહારાષ્ટ્રના પુણેના લોહેગાંવ વિસ્તારમાં એક 11 વર્ષના બાળકને તેના ગુપ્તાંગ પર ક્રિકેટનો બોલ વાગતા તેનું મોત નીપજ્યું હતું. પુણેમાં શંભુ કાલિદાસ ખંડવે ઉર્ફે શૌર્ય નામનો કિશોર મિત્રો સાથે ક્રિકેટ રમી રહ્યો હતો. બાળકોની ટાઈમપાસ ગણાતી ક્રિકેટ ટૂંક સમયમાં એક દુસ્વપ્ન સમાન બની રહી હતી. શૌર્ય જ્યારે બોલિંગ કરી રહ્યો હતો ત્યારે એક બેટરનો બોલ જોરથી તેના પ્રાઈવેટ પાર્ટ પર વાગ્યો હતો અને તેને કારણે તે તરત ઢળી પડ્યો હતો અને હોસ્પિટલમાં દાખલ કરવામાં આવતાં તેનું મોત થયું હતું.

વધુ વાંચો : અમદાવાદ સ્કૂલ બોંબ ધમકીમાં નવો ફણગો ફૂટ્યો, આ શખ્સનું નામ ખુલ્યું, પોલીસ કમિશનરનો ખુલાસો

મિત્રો હોસ્પિટલ લઈ ગયાં પરંતુ રસ્તામાં મોત

આ ઘટના બાદ મિત્રો શૌર્યને હોસ્પિટલ લઈ ગયાં હતા જ્યાં રસ્તામાં તેનું મોત થયું હતું. ક્રિકેટ રમતાં રમતાં હાર્ટ એટેકથી ઘણી ઘટનાઓ બની ચૂકી છે પરંતુ પ્રાઈવેટ પાર્ટ પર બોલ વાગવાને કારણે મોતની આ પહેલી ઘટના છે.

ગુજરાતમાં ક્રિકેટ રમતાં રમતાં યુવાનનું મોત

લગ્નમાં નાચતી વખતે, ક્રિકેટ રમતી વખતે, વાહન ચલાવતી વખતે કે પછી જીમમાં કસરત કરતી વખતે હાર્ટ એટેક આવવાની સાથે જ સ્થળ પર જ મૃત્યુના કિસ્સાઓ દિવસેને દિવસે સામે આવી રહ્યા છે. અરવલ્લીમાં ક્રિકેટ રમતા-રમતા હાર્ટએટેક આવતા 20 વર્ષીય યુવકનું મૃત્યુ થયું છે. જે બાદ મિત્રો તેને હોસ્પિટલ ખાતે લઈ ગયા હતા. જ્યાં ડોક્ટરોએ તેને મૃત જાહેર કર્યો હતો. સાથે જ યુવકના મૃત્યુનું કારણ હાર્ટ એટેક જણાવ્યું હતું. એન્જિનિયરિંગમાં અભ્યાસ કરતા 20 વર્ષીય પર્વ સોનીનું આટલી નાની ઉંમરે મોત થતા પરિવારમાં માતમ છવાયો છે.