ક્રાઈમ / અસલાલીમાં પરણિતાનો ઝેરી દવા પીને આપઘાત, તપાસમાં ચોંકાવનારા ખુલાસા

અમદાવાદના અસલાલી પોલીસ સ્ટેશન વિસ્તારમાં પરણીતાએ આપઘાત કર્યો હતો. 39 વર્ષીય મહિલા ઉર્મિલા બેલદારે ઝેરી દવા પીને આપઘાત કરી લીધો હતો. મહિલાએ ઝેરી દવા ગટગટાવી લીધી હોવાની જાણ મહિલાના પરિવારજનોને થતા મહિલાને સારવાર અર્થે હોસ્પિટલમાં દાખલ કરવામાં આવી હતી. હોસ્પિટલમાં સારવાર દરમ્યાન ઉર્મિલાબેનનું મોત થયું હતું.

મુસ્તફા શેખે હાર ગીરવે મૂકી દીધો હતો

અસલાલી પોલીસે અકસ્માત મોતનો ગુનો દાખલ કરી કેસની તપાસ શરૂ કરી છે. કેસની તપાસ દરમ્યાન અનેક ચોંકાવનારા ખુલાસાઓ થયા છે. મૃતક મહિલાબેને લગ્નમાં પહેરવા માટે નાની બહેન પાસેથી સોનાનો હાર લીધો હતો. હાર પ્રેમી સમીર ઉર્ફે ગુડ્ડુ શેખને આપ્યો હતો. સોનાનો હાર સમીરે તેના ભાઈ મુસ્તફા શેખને આપ્યો હતો. મુસ્તફા શેખે હાર ગીરવે મુકી દીધો હતો.

મૃતક ઉર્મિલાબેનના સમીર સાથે પ્રેમ સંબંધ હતો

બહેન ગાયત્રીએ હાર અંગે ઉર્મિલાને પૂછપરછ કરી હતી. હારની ઉઘરાણીને લઈને ઉર્મિલાને તેના સાસુ અને પતિએ માર માર્યો હતો. માર અને ત્રાસથી કંટાળીને ઉર્મિલાબેને આપઘાત કર્યો હતો. મૃતક મહિલાબેનને સમીર સાથે પ્રેમ સબંધ હતો. બંને નિયમિત મોબાઈલમાં વાતચીત કરતા હતા. છેલ્લા 3-4 વર્ષથી બંને પ્રેમ સબંધમાં હોવાનું પોલીસે જણાવ્યું છે. ઉર્મિલાબેને પ્રેમી સમીરને પ્રેમ સબંધમાં હાર આપ્યો હતો. સમીરે હાર ગીરવે મુકી પૈસા વાપરી ગયો હતો.

આ પણ વાંચોઃ જામનગરમાં ACB ની કાર્યવાહી, ₹4.52 લાખની લાંચ લેતા મદદનીશ ઈજનેર ઝડપાયા

પોલીસે ચાર આરોપીઓની ધરપકડ કરી

સમીરે હાર પરત ન આપ્યો અને પૈસા પણ પરત આપ્યા ન હતી. પોલીસે સમીર ઉર્ફે ગુડ્ડુ શેખ, મુસ્તફા શેખ, પતિ અમિત બેલદાર અને સાસુ મંજુલા ઉર્ફે ટીના બેલદારની ધરપકડ કરી છે. અસલાલી પોલીસે 4 આરોપીઓની ધરપકડ કરી કેસની વધુ તપાસ શરૂ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ