કાર્યવાહી / જામનગરમાં ACB ની કાર્યવાહી, ₹4.52 લાખની લાંચ લેતા મદદનીશ ઈજનેર ઝડપાયા

જામનગરમાં ભ્રષ્ટાચાર વિરુદ્ધ મોટી કાર્યવાહી કરતાં એન્ટી કરપ્શન બ્યુરો (ACB)એ એક મદદનીશ ઈજનેરને રંગેહાથ ઝડપી પાડ્યો છે. વિજયકુમાર મીના નામના આ અધિકારીને ₹4 લાખ 52 હજારની લાંચ લેતા ઝડપવામાં આવ્યા છે, જે ઘટના રાજ્યમાં વધી રહેલા ભ્રષ્ટાચાર પર ફરી એકવાર સવાલો ઊભા કરે છે.

માહિતી મુજબ, આરોપી ઈજનેરે ઈલેક્ટ્રિક કામગીરીના બિલ મંજૂર કરવા માટે ફરિયાદીના મિત્ર પાસેથી મોટી રકમની લાંચ માગી હતી. ફરિયાદી તરફથી લાંચ આપવાનો ઇનકાર થતાં સમગ્ર મામલો ACB સુધી પહોંચ્યો હતો. ત્યારબાદ ACBએ યોજનાબદ્ધ રીતે ટ્રેપ ગોઠવી કાર્યવાહી હાથ ધરી.

આ ઓપરેશન દરમિયાન જામનગર સ્થિત ગુજરાત આયુર્વેદ યુનિવર્સિટી કેમ્પસ નજીક આરોપી અધિકારી લાંચની રકમ સ્વીકારતા જ ઝડપાઈ ગયા હતા. ACB અધિકારીઓએ તરત જ તેમને કસ્ટડીમાં લઈ કાનૂની કાર્યવાહી શરૂ કરી છે.

આ પણ વાંચોઃ 15 મે થી અમદાવાદ-કોલંબો વચ્ચે સીધી ફ્લાઇટ્સ, મુસાફરીનો સમય ઘટી ત્રણ કલાક થશે

આ ઘટના રાજ્યમાં સરકારી તંત્રમાં વ્યાપક બનેલા ભ્રષ્ટાચારની ગંભીરતા દર્શાવે છે. સામાન્ય નાગરિકોને પોતાના હકના કામ માટે પણ લાંચ આપવાની ફરજ પડે છે તે ચિંતાજનક છે. ACBએ લોકોને અપીલ કરી છે કે કોઈ પણ સરકારી અધિકારી લાંચ માંગે તો તરત જ ફરિયાદ નોંધાવી, જેથી આવા ભ્રષ્ટ તત્વો સામે કડક કાર્યવાહી થઈ શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ