રાજકારણ ગરમાયુ / કોંગ્રેસે અમિતાભ અને અક્ષયને ધમકી આપી તો સામે શિવસેનાની જુઓ શું પ્રતિક્રિયા આવી

• શિવસેના સાંસદ અરવિંદ સાવંત કોંગ્રેસ નેતા નાના પટોલેના ટેકામાં
• ભૂતકાળમાં ઈંધણના ભાવ વધતા ત્યારે બચ્ચન-અક્ષય કુમાર ટ્વિટ કરીને ટીકા કરતા હતા
• બચ્ચન અને અક્ષય કુમારની ફિલ્મોનું શુટિંગ મહારાષ્ટ્રમાં નહીં થવા દેવામાં આવે

અમિતાભ બચ્ચન અને અક્ષય કુમારને ફિલ્મનું શુટિંગ ન કરવા દેનાર કોંગ્રેસ નેતા નાના પટોલેને શિવસેનાનો સાથ મળ્યો છે. 

ભૂતકાળમાં જ્યારે થોડા ભાવ વધતા હતા ત્યારે આ લોકો રસ્તા પર આવી જતા હતા

શિવસેના સાંસદ અરવિંદ સાવંતે જણાવ્યું કે નાના પટોલેનું નિવેદન બિલકુલ સાચુ છે. તેમણે કહ્યું કે ભૂતકાળમાં જ્યારે થોડા ભાવ વધતા હતા ત્યારે આ લોકો રસ્તા પર આવી જતા હતા. હકીકતમાં નાના પટોલેએ ધમકી આપતા જણાવ્યું કે જો અમિતાભ બચ્ચન અને અક્ષય કુમાર પેટ્રોલ-ડીઝલના વધી રહેલા ભાવની સામે બોલવાની હિંમત નહીં કરે તો મહારાષ્ટ્રમાં તેમની ફિલ્મોનું શુટિંગ થવા નહીં દેવામાં આવે.

પટોલેએ મીડિયા સાથેની વાતચીતમાં જણાવ્યું કે અમિતાભ બચ્ચન અને અક્ષય કુમારે યુપીએની આગેવાની વાળી કોંગ્રેસની સરકારના શાસન દરમિયાન પેટ્રોલ-ડીઝલના ભાવવધારા પર ટ્વિટ કર્યાં હતા, હવે તેઓ આ મુદ્દે ખામોશ છે.પેટ્રોલ અને ડીઝલના ભાવવધારાથી સામાન્ય લોકોને ઘણી અસર થઈ છે. અમિતાભ બચ્ચન અને અક્ષયકુમારે તેમના ટ્વિટ દ્વારા ભાવવધારાની ટીકા કરી હતી. મહારાષ્ટ્ર કોંગ્રેસ પ્રમુખે સવાલ કર્યો કે હવે તેઓ પેટ્રોલ અને ડીઝલના ભાવવધારા પર કેમ મૌન સાધીને બેઠા છે.

મનમોહનસિંહએ વૈશ્વિક બજારમાં ક્રુડ ઓઈલના વધારા ભાવ છતાં પણ ઈંધણના ભાવને કાબૂમાં રાખ્યાં હતા.

નાના પટોલેએ કહ્યું કે ભારતના પૂર્વ વડાપ્રધાન મનમોહનસિંહએ વૈશ્વિક બજારમાં ક્રુડ ઓઈલના વધારા ભાવ છતાં પણ ઈંધણના ભાવને કાબૂમાં રાખ્યાં હતા. હવે બોલીવુડ સ્ટાર કેમ ટ્વિટ કરીને ટિકા કરતા નથી.

બચ્ચન અને અક્ષયકુમારની જવાબદારી બને છે શું તેઓ કેન્દ્ર સરકારના દબાણ હેઠળ છે જે લોકો પેટ્રોલ-ડીઝલના ભાવની વિરુદ્ધ અવાજ નહીં ઉઠાવે તો તેમની મહારાષ્ટ્રમાં તેમની ફિલ્મનું શુટિંગ નહીં થવા દેવામાં આવે.