તહેવાર / ધન પ્રાપ્તિથી લઇને સારા સ્વાસ્થ્ય- પ્રેમ મેળવવા માટે શરદ પૂનમમાં કરો આ ઉપાય

- આ દિવસે જળ અને ફળ ખાઇને ઉપવાસ રાખવાનો પ્રયાસ કરવો જોઇએ. ઉપવાસ ન કરો તો આ દિવસે સાત્વિક ભોજન લેવુ જોઇએ. આ દિવસે કાળા રંગની દૂર રહેવુ.ચમકદાર સફેદ વસ્ત્રો પહેરવા જોઇએ.

- રાત્રે સ્નાન કરીને ગાયને દૂધમાં ધી ઉમેરીને ખીર બનાવો. આ ખીર ભગવાનને ધરાવીને શ્રીકૃષ્ણની પૂજા કરો. મધ્યરાત્રિએ ચંદ્ર પૂર્ણ કળાએ ખીલે ત્યાં સુધી ચંદ્રદેવની પૂજા કરો. ચંદ્રમાના મંત્ર ॐ सोम सोमाय नमःનો જાપ કરો. ખીરને ચંદ્રમાની રોશમીમાં ઢાંકી દો. ખીરને કાચ, માટી અથવા ચાંદીના વાસણમાં મૂકો. અન્ય કોઇ ધાતું ઉપયોગ ના કરો. સવારે સૂર્યાસ્ત પહેલા આ ખીર ખાવી ઉત્તમ ગણાશે.

- રાત્રે મા લક્ષ્મી સામે ઘીનો દીવો પ્રગટાવો. આ પછી લક્ષ્મીજીની મૂર્તિ કે ફોટોને ગુલાબનો હાર ચડાવો. સફેદ મીઠાઇ ધરાવો. ॐ ह्रीं श्रीं कमले कमलालये प्रसीद प्रसीद महालक्ष्मये नमः આ  મંત્રની 11 માળા કરો. આ ઉપાય કરવાથી  આર્થિક તંગી દૂર થાય છે. 

- સાંજે રાધા-કૃષ્ણની ઉપાસના કરો. બંનેએ સંયુક્તરૂપે ગુલાબનો હાર ચડાવો. મધ્યરાત્રે સફેદ વસ્ત્ર ધારણ કરીને ચંદ્રને અર્ધ્ય આપો. ત્યારબાાદ ॐ राधावल्लभाय नमः મંત્રની ત્રણ માળા કરો અથવા મધુરાષ્ટકનો ઓછામાં ઓછી 3 વખત પાઠ કરો. મનગમતા પ્રેમને પામવા પ્રાર્થના કરો. ભગવાનને ચડાવેલો ગુલાબનો હાર તમારી પાસે સંભાળીને રાખો.