ધર્મ / આજથી બે મહિના સુધી શનિનો વિષ યોગ, આ 3 રાશિઓના જાતકો પર પડશે અસર

• 30 વર્ષ પછી શનિની આ પ્રકારની પરિસ્થિતિનું નિર્માણ.
• આ ત્રણ રાશિના જાતકો પર થશે અસર.
• વિષ યોગની અસરથી બચવા કરો આ ઉપાય.

15 એપ્રિલથી શનિ અને ચંદ્રનો એક ખાસ યોગ બની રહ્યો છે, જેને વિષ યોગ કહે છે. કુંભ રાશિમાં આજથી ચંદ્ર અને શનિની યુતિના કારણે વિષ યોગ બની રહ્યો છે. અંદાજે અઢી મહિના સુધી ત્રણ રાશિના જાતકોએ અનેક સમસ્યાનો સામનો કરવો પડશે. ચંદ્ર અને શનિની ચાલ એક સમાન હોય છે, અંતર માત્ર એક મહિના અને દિવસનું છે. ચંદ્ર કોઈ રાશિમાં અઢી દિવસ સુધી રહે છે અને શનિ અઢી વર્ષ સુધી રહે છે. શનિની સાઢેસાતીના કારણે લોકોના જીવન પર પણ અસર થાય છે. શનિ હાલમાં પોતાની કુંભ રાશિમાં વિચરણ કરી રહ્યો છે. 30 વર્ષ પછી શનિની આ પ્રકારની પરિસ્થિતિ બની રહી છે. ચંદ્ર પણ આજથી શનિની રાશિમાં બિરાજમાન થઈ રહ્યો છે. આ કારણોસર વિષ યોગનું નિર્માણ થઈ રહ્યું છે. વિષ યોગના કારણે જીવનમાં અનેક પ્રકારની સમસ્યા આવે છે. કુંડળીમાં આ યોગ બને તો સુખ અને શાંતિ સમાપ્ત થઈ જાય છે. 

કર્ક, કન્યા અને વૃશ્વિક રાશિના જાતકો પર અઢી મહિના સુધી આ યોગની અસર થશે. આ રાશિના જાતકોને શનિ અને ચંદ્રમાના વિભિન્ન ઉપાયથી લાભ થશે. આ યોગની અસર ઓછી કરવા માટે દર શનિવાર શનિ મંદિર જઈને તેલનો દીવો કરવો જોઈએ. શનિવારના દિવસે ખાંડનું સેવન ના કરવું. આ ઉપાય કરવાથી શનિની સાઢેસાતી પણ ઓછી થશે. જે લોકો પર શનિ ઢૈય્યા છે, તે લોકોએ પણ શનિવારના દિવસે આ ઉપાય કરવો. આ પ્રકારે કરવાથી વિષ યોગની અસર ઓછી થવાની સાથે સાથે શનિદેવની કૃપા પણ પ્રાપ્ત થાય છે.

(DISCLAIMER: આ લેખમાં ધર્મને લગતી આ માહિતી માત્ર અલગ-અલગ મળતી માહિતીને આધારિત છે. નહીં કે, તમે તેને સત્ય જ માની લો. કારણ કે ધર્મ એ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. કોઈપણ પ્રકારની મુશ્કેલી સર્જાશે તો તે માટે VTV ગુજરાતી જવાબદાર નહીં રહે. આ લેખ માત્ર ન્યૂઝના હેતુસર પબ્લિશ કરવામાં આવ્યો છે.)