સુરક્ષામાં ચૂક / દ્વારકાના નાથ પર ચલણી નોટો ઘા કરવામાં આવી, સુરક્ષાને લઈને પણ ઊભા થયા સવાલ, તંત્રએ આપ્યા મોટા આદેશ

• દેવભૂમિ દ્વારકાના દ્વારકાધીશ મંદિરમાં સુરક્ષામાં ચૂક
• મંદિરમાં મોબાઇલ પર પ્રતિબંધ છતાં  વીડિયો વાયરલ
• મંદિરમાં ચલણી નોટ ઉડાવતા લોકો દેખાયા 

દેવભૂમિ દ્વારકાના દ્વારકાધીશ મંદિરમાં સુરક્ષાને લઈ મોટી ચૂક સામે આવી છે. મંદિરમાં મોબાઈલ ફોન લઈ જવા પર પ્રતિબંધ છે પરંતુ એક વીડિયો વાયરલ થયો છે અને જે મંદિરની અંદરનો છે જેના પરથી જાણી શકાય છે પ્રતિબંધ હોવા છતાં કોઈ શખ્સ મોબાઈલ લઈને મંદિરમાં ઘૂસ્યો છે તેમજ એટલું જ નહી તેણે વીડિયો પણ ઉતારી વાયરલ પણ કર્યો છે. 

મંદિરમાં મોબાઇલ લઇ જવા પર પ્રતિબંધ છે
અત્રે તમને જણાવી દઈએ કે, મંદિરમાં મોબાઇલ લઇ જવા પર પ્રતિબંધ હોવા છતાં અંદરનો વીડિયો વાયરલ થયો છે. જે વીડિયોમાં જોઈ શકાય છે કે, મંદિરમાં કેટલાક શખ્સોએ ભગવાન દ્વારકાધીશ પર ચલણી નોટ ઉડાવતા જોવા મળી રહ્યાં છે તેમજ ઘણા બધા લોકો મોબાઇલ પર વીડિયો ઉતારતા હોય તેવા પણ દ્રશ્યોમાં જોઈ શકાય છે. 

કૃષ્ણ ભક્તોમાં રોષ
આ વીડિયોને કૃષ્ણપ્રેમીઓ દ્વારકાધીશનું અપમાન માની રહ્યાં છે અને આ ઘટનાથી કૃષ્ણ ભક્તોમાં રોષ પણ જોવા મળી રહ્યો છે. આ પ્રકારે ચલણી નોટ ઉડાવતા અનેક સવાલો પણ ઉઠી રહ્યાં છે. સુરક્ષાની દ્રષ્ટિએ મોબાઇલ લઇ જવા પર પ્રતિબંધ છે ત્યારે મોબાઇલ કેવી રીતે લઇ જવા દેવાયો તે સૌથી મોટો સવાલ છે અને આ તમામ લોકો સામે કાર્યવાહી થશે કે કેમ તો સૌથી મોટો સવાલ છે.

તપાસના આદેશ અપાયા
દ્વારકાધીશ મંદિરની અંદર ચલણી નોટો ઉડાવ્યાનો વીડિયો વાઇરલ મામલે વહીવટી તંત્ર હરકતામાં આવ્યું છે. ઇન્ચાર્જ જિલ્લા કલેકટર એસ ડી ધાનાણી દ્વારા તપાસના આદેશ અપાયા છે. પ્રતિબંધિત વિસ્તારમાં મોબાઇલ અંદર કઈ રીતે પહોંચ્યો ? વિડીયો કોને બનાવ્યો ? કોને વાઇરલ કર્યો ? તે તમામ મુદ્દાઓ પર જિલ્લા વહીવટી તંત્રએ તપાસ હાથ ધરશે.