2 મિનિટ 12 ખબર / સેકન્ડ ઈનિંગ શરૂ: ગુજરાતમાં વરસાદને લઈ હવામાન વિભાગ, સ્કાઈમેટ, અને અંબાલાલનું શું છે અનુમાન? રૂપાણી ફરી કેમ ચર્ચામાં

અમદાવાદ હવામાન વિભાગના ડાયરેક્ટર મનોરમા મોહંતીએ વરસાદને લઈને જણાવ્યું છે કે, રાજ્યમાં આગામી 5 દિવસ વરસાદની આગાહી છે. હવામાન નિષ્ણાંત અંબાલાલ પટેલ દ્વારા  7થી 12 જુલાઈ વચ્ચે ભારેથી અતિભારે વરસાદની આગાહી કરી છે. ભાવનગર, દ્વારકા, ગીર સોમનાથ, સુરત, વલસાડ, ભરૂચમાં સહીતના ગુજરાતભરના જિલ્લામાં ભારે વરસાદ અંગે સ્કાયમેટ દ્વારા અનુમાન લગાવવામાં આવ્યું છે.

રાજ્યનાં પાંચ IPS અધિકારીઓને રાજ્ય સરકાર દ્વારા પ્રમોશન આપવામાં આવ્યું છે. ત્યારે ગૃહ વિભાગ દ્વારા પાંચ IPS ને પ્રમોશનની જાહેરાત કરી છે. ત્યારે હવે આગામી દિવસોમાં અમદાવાદ પોલીસ કમિશ્નરનાં નામની પણ જાહેરાત કરવામાં આવી શકે છે.

ભાવનગર ચકચારી તોડકાંડ મામલે શિવુભા ગોહિલનાં કોર્ટે શરતી જામીન મંજૂર કર્યા છે. ત્યારે યુવરાજસિંહનાં સાળા શિવુભા ગોહિલનાં જામીન મંજૂર થતા અત્યાર સુધી તોડકાંડ પ્રકરણમાંકુલ 5 લોકોનાં જામીન મંજૂર થયા છે. ત્યારે હવે માત્ર યુવરાજસિંહ જ જેલમાં છે.

ચૂંટણીની તડામાર તૈયારીની વચ્ચે હવે ભાજપના રાજ્યસભાના ઉમેદવારોના નામને લઈને અટકળો તેજ થઈ ગઈ છે. સૌરાષ્ટ્રમાં રામભાઈ મોકરિયા, મનસુખ માંડવિયા, પરષોત્તમ રૂપાલા પ્રતિનિધિત્વ કરે છે.  ત્યારે હવે ઉમેદવાર તરીકે ગુજરાતના પૂર્વ મુખ્યમંત્રી વિજય રૂપાણીનું નામ ચર્ચામાં આવ્યું છે. 

ગુજરાત હાઇકોર્ટના નવા ચીફ જસ્ટિસ તરીકે સુનિતા અગ્રવાલની નિમણૂક માટેની કોલજિયમ દ્વારા ભલામણ કરવામાં આવી છે. ગુજરાત HCમાં સોનિયા ગોકાણી બાદ સુનિતા અગ્રવાલ બીજા મહિલા ચીફ જજ બને તેવી સંભાવના છે.

હવામાન વિભાગના જણાવ્યા અનુસાર દક્ષિણ ભારતનાં રાજ્યમાં અત્યંત ભારે વરસાદની એક સિસ્ટમ સક્રિય થઈ શકે છે. આ સિવાય દેશના ઘણા ભાગમાં વરસાદી વાતાવરણ રહ્યું છે. દેશના લગભગ ૨૪ રાજ્ય હાલ ચોમાસાની પકડ છે. આમાંનાં કેટલાંક રાજ્યમાં સતત વરસાદ થઈ રહ્યો છે અને કેટલાંક રાજ્યમાં વરસાદની સંભાવના વ્યક્ત કરવામાં આવી છે.

કેન્દ્ર સરકારે યુનિફોર્મ સિવિલ કોડ પર પહેલું મોટું પગલું ભર્યું છે. સરકારે મંત્રીઓના જૂથની રચના કરી છે જેમાં ચાર મંત્રીઓને મહત્વની જવાબદારીઓ સોંપવામાં આવી છે. કેન્દ્રીય મંત્રી કિરેન રિજિજુ આ GOMની અધ્યક્ષતા કરશે.

ભરણપોષણ સંબંધિત એક કેસની સુનાવણી પર કર્ણાટક હાઈકોર્ટે એવું કહ્યું કે પત્ની નવરી બેસીને પતિ પાસેથી બધું ભરણપોષણ ન માગી શકે, આવી મહિલાઓ રોજીરોટી માટે કામ પણ કરવું જોઈએ. 

કોંગ્રેસે દિલ્હીમાં રાજસ્થાન ચૂંટણીને લઈને એક મોટી બેઠક બોલાવી હતી જેમાં મુખ્યમંત્રીના ચહેરા વગર ચૂંટણી લડવાનું એલાન કરાયું છે.રાજસ્થાન કોંગ્રેસમાં લાંબા સમયથી ચાલી રહેલી ખેંચતાણ પર લગામ લાગી છે. આજે દિલ્હીમાં કોંગ્રેસ મુખ્યાલય (એઆઈસીસી મુખ્યાલય) ખાતે મળેલી કોંગ્રેસની મહત્વની બેઠકમાં ચાર મોટા નિર્ણયો પર સહમતિ સધાઈ હતી.

An extremely fruitful strategy meeting on the upcoming Rajasthan elections at the AICC HQ, chaired by INC President Sh. @Kharge ji, in the presence of Sh. @RahulGandhi ji, AICC In-Charge @Sukhjinder_INC, CM Sh. @ashokgehlot51 ji attending virtually, along with other senior… pic.twitter.com/OsU4rw8ivi

— K C Venugopal (@kcvenugopalmp) July 6, 2023

ટ્રક ડ્રાઇવરો ટૂંક સમયમાં જ વાતાનુકૂલિત કેબિનોમાં ડ્રાઇવિંગ કરતા જોવા મળશે. મોદી સરકારે N2 અને N3 કેટેગરીની ટ્રકોની કેબિનમાં એરકન્ડિશનિંગ સિસ્ટમ ફરજિયાત બનાવવાની તૈયારીઓ પૂર્ણ કરી લીધી છે. હવે એર કંડિશનિંગ સિસ્ટમને ફરજિયાત કરવાના ડ્રાફ્ટ નોટિફિકેશનને પણ સરકારની મંજૂરી મળી ગઈ છે. 

બાંગ્લાદેશની વનડે ટીમનાં કેપ્ટન તમીમ ઈકબાલે ODI WORLDCUPનાં ત્રણ મહિના પહેલા જ ઈન્ટરનેશનલ ક્રિકેટથી રિટાયરમેન્ટ લઈ લેવાનું એલાન કર્યું છે. આ સાથે જ તેમના 16 વર્ષ લાંબા કરિયરનો અંત થયો છે. 

Seeing Tamim Iqbal crying broke my heart.But I must say it was a timely decision.He always said he wanted the best for the team.His announcement of retirement rather than prioritizing the big event like the World Cup is proof of wanting the best of the team.A legend of Bangladesh pic.twitter.com/lXK3CtYYkF

— Samiul Alam Sami (@SsSamiulSami73) July 6, 2023

શેરબજારમાં ગુરુવારે ફરીએકવાર રેકોર્ડ સર્જાયો, સેંસેક્સ 65,754,12 અને નિફ્ટી 19472 પર પહોંચીને નવો કિર્તીમાન સ્થાપિત કર્યો છે. શરૂઆત નબળી થયા બાદ 10.10 વાગ્યે શેર બજારની ગાડી તેજીના પાટા પર આવી ગઇ.