આબકારી ગેરરીતિ / સિસોદીયાને સુપ્રીમમાંથી પણ રાહત ન મળી, કહ્યું- 'સીધા અહીંયા ન આવી જવાય', જાણો હવે કોણ ઉગારી શકે?

• મનીષ સિસોદીયા કેસમાં સુપ્રીમમાં થઈ સુનાવણી
• કોર્ટે મોકલ્યાં પાંચ દિવસના સીબીઆઈ રિમાન્ડ પર 
• સીબીઆઈ રિમાન્ડના ચુકાદાને સુપ્રીમમાં પડકાર્યો 

દિલ્હીની નવી આબકારી નીતિ ગેરરીતિ કેસમાં સીબીઆઈ દ્વારા આરોપી બનાવાયેલા ડેપ્યુટી સીએમ મનીષ સિસોદીયાએ તેમના રિમાન્ડને સુપ્રીમમાં પડકાર્યાં હતા જેની પર ચીફ જસ્ટિસ ડીવાય ચંદ્રચુડની આગેવાનીવાળી ખંડપીઠે સુનાવણી યોજી હતી. ખંડપીઠે સિસોદીયાને કહ્યું કે તમારે જામીન માટે હાઈકોર્ટનો સંપર્ક સાધવો જોઈએ. સિસોદીયા પાસે ઘણા કાનૂની વિકલ્પો ઉપલબ્ધ છે. 

SC refuses to entertain Delhi Dy CM Manish Sisodia's plea against his arrest by CBI, suggests him to move High Court. pic.twitter.com/P5jh8UmsNJ

— ANI (@ANI) February 28, 2023

સીધા સુપ્રીમ ન આવી જવાય, હાઈકોર્ટમાં જાઓ 
ચીફ જસ્ટીસે મનીષ સિસોદીયાના વકીલને કહ્યું કે તમે સુપ્રીમ કોર્ટમાંથી સીધા જામીન અને અન્ય રાહત માંગી રહ્યા છો. તમે અર્નબ ગોસ્વામી અને વિનોદ દુઆ કેસ ટાંક્યા છે. પણ તે તદ્દન જુદો જ હતો. તમારે નીચલી કોર્ટમાંથી જામીન મેળવવા જોઈએ, એફઆઈઆર રદ કરાવવા માટે હાઈકોર્ટમાં જવું જોઈએ. સિસોદિયા તરફથી હાજર રહેલા વરિષ્ઠ વકીલ એ એમ સિંઘવીએ કહ્યું, "મને માત્ર ત્રણ મિનિટ માટે બોલવા દો. મને (સિસોદિયાને) માત્ર બે વાર પૂછપરછ માટે બોલાવવામાં આવ્યો હતો. ધરપકડ પહેલા અર્નેશ કુમાર મામલે સુપ્રીમ કોર્ટના નિર્ણયનું પાલન કરવામાં આવ્યું ન હતું. મારા પર પુરાવા સાથે છેડછાડનો આરોપ નથી, ન તો મને ભાગી જવાનો ડર લાગતો હતો.

AAP to go to Delhi HC pertaining to Delhi Dy CM Manish Sisodia's arrest by CBI: AAP

Earlier, SC refused to entertain Delhi Dy CM Manish Sisodia's plea against his arrest by CBI & suggested him to move High Court. https://t.co/IyRQtI7bnM

— ANI (@ANI) February 28, 2023

સુપ્રીમ કોર્ટ સીધી સુનાવણી ન કરી શકે

સીજેઆઈએ કહ્યું કે આ વાતો સાચી હોઈ શકે છે, પરંતુ સુપ્રીમ કોર્ટ સીધી સુનાવણી ન કરી શકે. કોર્ટે કહ્યું કે મનીષ સિસોદીયાએ જામીન માટેની એફઆઈઆર રદ કરવાની માંગ માટે દિલ્હી હાઈકોર્ટનો સંપર્ક સાધવો જોઈએ. 

સિસોદીયા પાસે હવે શું રસ્તો
સુપ્રીમ કોર્ટે રાહત આપવાનો ઈન્કાર કર્યો હોવાથી મનીષ સિસોદીયા હવે જામીન માટે દિલ્હી હાઈકોર્ટનો સંપર્ક સાધશે. હવે એકમાત્ર દિલ્હી હાઈકોર્ટ જ તેમને રાહત આપી શકે છે. આમ આદમી પાર્ટી પણ કહી ચૂકી છે કે સિસોદીયાના જામીન માટે હવે દિલ્હી હાઈકોર્ટનો સંપર્ક સાધવામાં આવશે. 

શું છે દારુ કૌભાંડ 
દિલ્હી સરકારે જુની એક્સાઇઝ પોલિસીને 31 જુલાઇ 2022ના રોજ રદ કરી નાખી હતી અને તેને બદલે એક નવી નીતિ બહાર પાડી હતી જેમાં દારુ કારોબારીઓને ફાયદો પહોંચાડવામાં આવ્યો હતો જેના બદલામાં આમ આદમી પાર્ટીને કરોડોનું ફંડ મળ્યું હોવાનો આરોપ છે. આરોપ છે કે દારુ કારોબારીઓ પાસેથી મળેલા કરોડોના ફંડનો ઉપયોગ પંજાબ ચૂંટણીમા કરવામાં આવ્યો હતો. કેજરીવાલ સરકારે દારુ કારોબારીઓ અને કંપનીઓને મોટી છૂટ આપીને સરકારી ખજાનાને નુકશાન પહોંચાડ્યું હતું.