દિલ્હી હાઈકોર્ટે એક રેપ કેસમાં મહત્વની ટીપ્પણી કરતાં એવું કહ્યું કે લગ્ન થયેલા હોય પરંતુ બે કપલો મરજીથી સેક્સ સંબંધ બાંધે તો તે ખોટું ન કહેવાય. પરણેલા મરજીથી બીજા સાથે સેક્સ સંબંધ બાંધે તો તે ખોટું ન કહેવાય. બન્નેની મરજી ખૂબ જરુરી છે. તાજેતરમાં દિલ્હી હાઈકોર્ટે આવો એક ચુકાદો જાહેર કરતી વખતે રેપના આરોપીને છોડી મૂક્યો હતો. હાઈકોર્ટે કહ્યું કે પુખ્ય વયના પરણેલા લોકો મરજીથી બીજા સાથે શારીરિક સંબંધો બાંધે તો તેમાં કંઈ ખોટું નથી. જસ્ટિસ અમિત મહાજને કહ્યું કે સમાજના ધારા-ધોરણો તો એવા છે કે સેક્સ સંબંધો આદર્શ રીતે લગ્નજીવનની અંદર રહે તો સારુ પરંતુ બે પુખ્ત વયના લોકો વચ્ચે તેમના વૈવાહિક દરજ્જાને ધ્યાનમાં લીધા વિના સંમતિથી જાતીય પ્રવૃત્તિ થાય છે, તો પછી કોઈ ગેરરીતિ થઈ શકે નહીં.
'આરોપી પરણેલો છે' ખબર હોવા છતાં મહિલાએ સંબંધ ચાલુ રાખ્યો
કોર્ટે આ વાત આ કેસની સુનાવણી દરમિયાન કહી હતી જેમાં એક મહિલાએ એક વ્યક્તિ પર લગ્નના બહાને બળાત્કાર કરવાનો આરોપ લગાવ્યો છે. કોર્ટે કહ્યું કે, આરોપીની વૈવાહિક સ્થિતિ વિશે જાણ્યા પછી પણ પીડિતાનો સંબંધ ચાલુ રાખવાનો નિર્ણય પ્રથમ દ્રષ્ટિએ તેની સંમતિ તરફ ઇશારો કરે છે. આરોપીએ તેની સાથે બળજબરીથી સેક્સ માણ્યું હોવાના કોઈ પુરાવા મળ્યાં નથી. આ વાત સ્પસ્ટ કરે છે કે મહિલા ફરિયાદ નોંધાવતાં પહેલા ઘણા સમયથી આરોપી સાથે સંબંધમાં હતી અને અરજદાર એક પરિણીત પુરુષ છે તે હકીકત જાણ્યા પછી પણ તેની સાથે તેના સંબંધો ચાલુ રાખવા માંગતી હતી.
વધુ વાંચો : 'પત્ની સાથે અકુદરતી સેક્સ ગુનો નહીં, તેની સંમતિ પણ નકામી', હાઈકોર્ટે જાહેર કર્યો ચુકાદો
શું હતો મામલો
આ કેસમાં મહિલાએ ફરિયાદ નોંધાવી હતી કે સંબંધ પછી તેને જાણવા મળ્યું હતું કે આરોપી પરણેલો છે અને બે બાળકોનો પિતા પણ છે. તેણે મારી પાસેથી ભેટો માગી હતી અને મેં 1.5 લાખ આપ્યાં હતા. તેમની બન્નેની વચ્ચે શારીરિક સંબંધો પણ બંધાયાં હતા. જોકે કોર્ટે ફરિયાદી મહિલાની આ અરજી ફગાવી દીધી હતી અને રેપના આરોપીને છોડી મૂકવાનો આદેશ આપ્યો હતો.
