સુવિધા / કોરોનાના ડરની વચ્ચે આ બેંકે શરૂ કરી ડોર સ્ટેપ સર્વિસ, ઘરે બેઠા મળશે બેંકિંગ સુવિધા

જો બેંકના ગ્રાહકોને રોકડની જરૂર હોય છે, તો બેંક ગ્રાહકોને ઘરે પણ રોકડ પહોંચાડશે. અગાઉ આ સુવિધા સિનિયર સીટીઝન અને દિવ્યાંગ લોકો માટે હતી. જો કે, ડોરસ્ટેપ બેંકિંગ સર્વિસનો લાભ માત્ર તે ગ્રાહકોને મળશે જેમની KYC (નો યોર કસ્ટમર)  કરાવામાં આવ્યું હશે. તે ઉપરાંત આ સુવિધાનો લાભ લેવા માટે તમારે હોમ બ્રાંચમાં રિક્વેસ્ટ કરવી પડશે.

Our staff from Nagaon branch made sure that customers experience seamless banking service by providing them door-step cash facility. We shall fight this pandemic together.#COVID19 #Coronavirus #SBIFamily #ProudSBI pic.twitter.com/0JuI3J0hNb

— State Bank of India (@TheOfficialSBI) April 2, 2020

આ સુવિધા સાથે જોડાયેલી કેટલીક વિશેષ બાબતો

•  આ સુવિધા અંતર્ગત રોકડ આપવાની અને લેવાની, ચેક આપવાની, ડ્રાફ્ટ ની ડિલિવરી, ટર્મ ડિપોઝિટ એડવાઈઝરી ડિલિવરી અને લાઈફ સર્ટિફિકેટ જેવી સુવિધાઓ સામેલ છે. 
• આ સુવિધાનો લાભ સવારે 9 વાગ્યાથી સાંજે 7 વાગ્યા સુધી 1800111103 નંબર પર કોલ કરીને લઈ શકાય છે. સર્વિસ રિક્વેસ્ટ માટે રજિસ્ટ્રેશન હોમ બ્રાંચ પર થશે. 
•  નોન-ફાઇનાન્સિયલ ટ્રાન્ઝેક્શન માટે 60 હજાર રૂપિયા અને GST સહિત વિઝિટ ચાર્જ ચૂકવવો પડશે. 
•  નાણાકીય વ્યવહારો માટે 100 રૂપિયા અને GST પ્રતિ વિઝિટ ચાર્જ લાગશે. 
•  રોકડ ઉપાડ અને રોકડ જમા માટે પ્રતિ દિવસ પ્રતિ ટ્રાન્ઝેક્શન 20 હજાર રૂપિયાની મર્યાદા નક્કી કરવામાં આવી છે. 
•  આ સેવાઓ માટે ખાતાધારકે હોમ બ્રાંચથી 5 કિમીના અંતરમાં રજિસ્ટર્ડ મોબાઈલ નંબરની સાથે હાજર રહેવું પડશે.
•  જોઈન્ટ અકાઉન્ટ, નોન-પર્સનલ અને માઈનોર (નાના) અકાઉન્ટ પણ આ સુવિધાનો લાભ નહીં ઉઠાવી શકે. 
•  ઉપાડ ફક્ત ચેક અથવા પાસબુક દ્વારા કરી શકાય છે.

આ બેંકો પણ આપી રહી છે ડોર સ્ટેપ સર્વિસ
 
HDFC,ICICI બેંક, એક્સિસ બેંક, કોટક બેંક પણ તેમના ગ્રાહકોને ડોર સ્ટેપ બેંકિંગ સર્વિસ પ્રદાન કરી રહી છે.