ડાંગ / દેશની અવ્વલ ગણાતી બે દોડવીરના પગ થંભી ગયા, સરિતાના પગમાં ઇજા થતા વર્લ્ડ ગેમ્સમાં આરામ લેશે

• દેશની અવ્વલ ગણાતી બે દોડવીરના પગ થંભી ગયા
• સરિતા ગાયકવાડને ડૉક્ટરે આરામ કરવાની આપી સલાહ
• હીમા દાસને કમરનો દુઃખાવો થતા આરામ પર

ડાંગ જિલ્લાના આદિવાસી પરિવારમાં જન્મેલ સરિતા ગાયકવાડે દેશને 3 ગોલ્ડ મેડલો અપાવ્યા છે. એશિયન ગેમ્સ યુરોપના પોલેન્ડમાં ગોલ્ડ મેળવ્યા હતા. ત્યારબાદ દોહામાં રમાવા જઇ રહેલી એથ્લેટિક્સ વર્લ્ડ ગેમ્સમાં સરિતા આરામ લેશે. જેનું મુખ્ય કારણ પોલેન્ડમાં આકરી તાલીમ દરમ્યાન પગમાં મોચ આવતા ચરબીની ગાંઠ થઈ હતી. જે ગાંઠનું નવસારીની ખાનગી હોસ્પિટલમાં વિનામૂલ્યે સર્જરી કરવામાં આવી હતી. જેના માટે પગને આરામ આપવાને લઈને સરિતાનો તરખડાટ હાલ પૂરતો આરામ કરશે જેના કારણે ભારત દેશને એક મેડલની આશા અધૂરી રહેશે.

દેશની અવ્વલ ગણાતી બે દોડવીર અનફિટ થતા પવનવેગી સરિતા અને આસામની હીમા દાસના પગ થંભી ગયા છે. સરિતાને પગમાં ઇજા જ્યારે હીમા દાસને કમરનો દુઃખાવો દોહા દેશની દોડ પર રોક લગાવી છે. 

ત્યારે આપણા દેશની ગૌરવ અપાવતી બે યુવતી અનફિટ થતા રમતપ્રેમીઓમાં નિરાશા સાંપડી છે. જોકે સરિતા વહેલી સાજી થાય તે માટે દેશના તમામ લોકો પ્રાર્થના કરે એવી અપીલ કરવામાં આવી છે.