જંગ / યુક્રેન યુદ્ધમાં રશિયાને પહેલી મોટી ખુવારી, મેજર જનરલનું મોત, NEXTAનો દાવો

• યુક્રેન યુદ્ધમાં રશિયાની પહેલી મોટી ખુવારી થઈ હોવાનો દાવો
• યુક્રેનમાં રશિયાના મેજર જનરલ આંદ્રેઈ સુખોવત્સ્કીનું મોત
• NEXTAનો ચોંકાવનારો દાવો

યુક્રેની અને બેલારુસના મીડિયાએ દાવો કર્યો છે કે રશિયાના મેજર જનરલ આંદ્રેઈ સુખોવત્સ્કીનું આઠમાં દિવસના હુમલામાં મોત થયું છે. રશિયાને વેઠવી પડેલી જાનમાલની આ પહેલી મોટી ખુવારી થઈ હોવાનું કહેવાય છે. ન્યૂઝ એજન્સી NEXTAનો દાવો છે કે યુક્રેનમાં રશિયાની મેજર જનરલ આંદ્રેઈ સુખોવત્સ્કીનું મોત થયું છે. યુક્રેન વતી રશિયાને ભારે નુકશાન પહોંચાડવાનો પણ દાવો કરાયો છે. 

8મા દિવસના યુદ્ધમાં રશિયાના 9000 સૈનિકોને માર્યા
યુક્રેની રાષ્ટ્રપતિ ઝેલેન્સ્કીએ એવો દાવો કર્યો છે કે આઠમા દિવસના યુદ્ધમાં યુક્રેને રશિયાના 9000 સૈનિકોની હત્યા કરી છે. તેમણે કહ્યું કે યુક્રેને રશિયાના 30 પ્લેન, 374 ઓટો મોબાઈલ્સ ટેકનીકસ, 42  MLRS, 900 AFV,31 હેલિકોપ્ટર, 90 આર્ટિલેરિયન સિસ્ટમ, 2 કટર, 217 ટેન્ક, 11 એન્ટીએર ડિફેન્સ, 3 યુએવીને તોડી પાડી છે. 

રશિયા યુક્રેનનો કબજો નહીં કરી શકે-ઝેલેન્સ્કી 
 તેમણે કહ્યું કે રશિયા બોમ્બ અને હવાઈ હુમલા દ્વારા યુક્રેન પર કબજો કરી શકશે નહીં. રશિયાના બાબીન યાર પર થયેલા હુમલાનો ઉલ્લેખ કરતાં યુક્રેનના રાષ્ટ્રપતિએ કહ્યું કે અહીં થયેલો હુમલો સાબિત કરે છે કે રશિયામાં ઘણા લોકો માટે અમારો કિવ બિલકુલ વિદેશી ભાગ જેવો છે. "આ લોકો કિવ વિશે કશું જ જાણતા નથી. તેઓ આપણો ઇતિહાસ જાણતા નથી. આ લોકો માત્ર આદેશ આપે છે કે આ આપણો ઇતિહાસ, આપણો દેશ અને આપણા બધાને ભૂંસી નાખે.