તમારા કામનું / શરીર પર રુદ્રાક્ષ તો ધારણ કરી લીધું પણ આ વાતોનું ધ્યાન રાખવું અત્યંત જરૂરી, તો જ મળશે શુભ પરિણામ

• રૂદ્રાક્ષની ઉત્પત્તિ ભગવાન શંકરથી થઇ હતી
• રૂદ્રાક્ષને ધારણ કર્યા બાદ નિયમોનુ પાલન કરવુ ખૂબ જરૂરી
• નિયમોનુ પાલન કરવાથી મળશે સારા પરિણામ 

રૂદ્રાક્ષની માળાને આ દિવસે પહેરવી શુભ મનાય છે

રૂદ્રાક્ષની માળાને સોમવારે, પૂનમ અથવા અમાસના દિવસે પહેરવી શુભ માનવામાં આવે છે. આ માળાને 1, 27, 54 અથવા 108ની સંખ્યામાં ધારણ કરવા જોઈએ. રૂદ્રાક્ષને સોના અને ચાંદીની સાથે પહેરવાથી સારા પરિણામ મળવા લાગે છે. 

રાશિ પ્રમાણે રૂદ્રાક્ષની માળા પહેરો

મેષ અને વૃશ્વિક રાશિના જાતકોને ત્રણ મુખી, વૃષભ અને તુલા રાશિના જાતકોને છ મુખી અને મિથુન અને કન્યા રાશિના જાતકોને ચાર મુખીના રૂદ્રાક્ષની માળા ધારણ કરવી જોઈએ. કર્ક રાશિના જાતકોને બે મુખી, સિંહ રાશિના જાતકોને એક મુખી, ધન અને મીન પાંચ મુખી અને મકર અને કુંભ રાશિના જાતકોને સાત મુખી રૂદ્રાક્ષ પહેરવા જોઈએ. 

માંસ, મદિરાનુ સેવન ના કરવુ

રૂદ્રાક્ષની માળાને પહેર્યા બાદ માંસ, મદિરાનુ સેવન ના કરવુ જોઈએ. કોઈ બીજા માણસે પહેરેલી રૂદ્રાક્ષની માળાને ક્યારેય ધારણ ના કરવી જોઈએ. ઊંઘતી સમયે રૂદ્રાક્ષને ઉતારી દેવા જોઈએ.

લગ્ન સંબંધિત પરેશાનીઓમાંથી મળશે છૂટકારો 

કોઈ જાતકના લગ્નમાં વારંવાર મુશ્કેલી આવી રહી છે તો તેને ગૌરી શંકર રૂદ્રાક્ષની માળા ધારણ કરવી જોઈએ. જેનાથી લગ્ન સંબંધિત પરેશાનીઓમાંથી છૂટકારો મળવાનુ શરૂ થઇ જશે. સ્પર્ધાત્મક પરીક્ષાની તૈયારી કરી રહેલા યુવાનોને પાંચ મુખી રૂદ્રાક્ષ ધારણ કરવા જોઈએ. જેનાથી અભ્યાસમાં મન પણ લાગે છે. 

ત્રણ મુખી રૂદ્રાક્ષ ધારણ કરવા જોઈએ

નોકરી સાથે સંબંધિત સમસ્યાઓને દૂર કરવા માટે ત્રણ મુખી રૂદ્રાક્ષ ધારણ કરવા જોઈએ. તો સ્વાસ્થ્ય સાથે જોડાયેલી સમસ્યાઓમાંથી મુક્તિ મેળવવા માટે 11 મુખી રૂદ્રાક્ષ પહેરવા જોઈએ.