ટીવી ઍક્ટર રોનિત રૉય (Ronit Roy) એ એક ઈન્ટરવ્યૂમાં ખુલાસો કર્યો છે કે જાન્યુઆરીથી કોઈ પેમેન્ટ મળ્યું નથી અને તેમના માથે 100 પરિવારોને સપોર્ટ કરવાની જવાબદારી પણ છે. આ કારણ તેમને ચીજ-વસ્તુઓ વેચીને પૈસા ભેગા કરવાની નોબત આવી છે.
રૉનિત રોયે પોતાના ઈન્ટરવ્યૂમાં આ વાતનો ખુલાસો કર્યો હતો. એટલું જ નહીં તેમમે ચેનલ અને પ્રોડ્યુસરોને કલાકારો અને ક્રૂ મેમ્બર્સના બાકી રહેલા પૈસાની ચૂકવણી કરવાની પણ અપીલ કરી હતી. રોનિત રૉય ક્યોંકિ સાસ ભી કભી બહૂ થી, કસોટી ઝિંદગી કી, અદાલત અને ઈતના કરોના મુઝે પ્યાર જેવી સીરિયલ્સમાં કામ કરી ચૂક્યાં છે.
રોનિત રૉય (Ronit Roy)એ આ ઈન્ટરવ્યૂમાં કહ્યું, જો હું મારી વાત કરું તો મેં જાન્યુઆરીથી એક પણ પૈસો નથી કમાયો. મારા ઘણાં નાના બિઝનેસ ચાલી રહ્યાં છે પરંતુ તે માર્ચથી બંધ પડેલા છે. મારી પાસે જે પણ છે તેનાથી 100 પરિવારોને સપોર્ટ કરવા માટે વેચી રહ્યો છે. આ એ પરિવાર છે જેના માટે હું જવાબદાર છું.
રોનિત રૉયે કહ્યું હું એટલો પૈસાદાર તો નથી પરંતુ કામ કરી રહ્યો છું. પ્રોડક્શન હાઉસ અને ચેનલોએ પણ આવું કરવું જોઈએ. જે લોકોની ઓફિસ એટલી શાનદાર છે કે જે 2 કિલોમીટર દૂરથી પણ દેખાઈ જાય છે. તેમણે આ લોકો માટે કંઈક કરવું જોઈએ. તેમણે લોકોની મદદ કરવી જોઈએ. જો આવા સમયમાં તમે ઍક્ટર્સની મદદ નહીં કરો તો તે યોગ્ય નથી. તમે લોકો તેમને 90 દિવસ બાદ ચૂકવણી કરવાના છો પરંતુ તેમને જરૂર અત્યારે છે, તેમને હમણાં જ આપો. તેઓ ભૂખ્યાં નહીં રહી શકે. જો કે તેમણે એમ પણ કહ્યું હતું કે તણાવમાં આવીને કોઈ ખોટું પગલું ઉઠાવવાથી પણ બચવું જોઈએ.