ક્રિકેટ / ડ્રેસિંગ રૂમમાં ધ્રુસકે ને ધ્રુસકે રડી પડ્યા હતા વિરાટ અને રોહિત... વર્લ્ડકપ હારને લઈને સ્ટાર સ્પિનર અશ્વિને કર્યો ખુલાસો

• વન ડે વર્લ્ડ કપની ફાઈનલ વિશે ​​આર અશ્વિનનું નિવેદન
• 'વિરાટ અને રોહિતને રડતા જોઈને ખોટું લાગ્યુ'
• 'જીત અમારા નસીબમાં નહોતી'

ravichandran ashwin statement: વન ડે વર્લ્ડ કપ 2023ની ફાઇનલમાં હાર બાદ કેપ્ટન રોહિત શર્મા અને વિરાટ કોહલી ડ્રેસિંગ રૂમમાં ખૂબ જ રડ્યા હતા. આ વાતનો ખુલાસો સ્ટાર સ્પિનર ​​આર અશ્વિને પોતાની યુટ્યુબ ચેનલ પર એસ બદ્રીનાથ સાથે વાતચીત દરમિયાન કર્યો હતો.

ડ્રેસિંગ રૂમમાં શું થયું હતું
ડ્રેસિંગ રૂમના વાતાવરણનું વર્ણન કરતાં અશ્વિને કહ્યું હતું કે, અમને દુ:ખ થયું છે. વિરાટ અને રોહિતને રડતા જોઈને ખોટું લાગ્યુ. અમારું વર્લ્ડ ચેમ્પિયન બનવાનું સપનું તૂટી ગયું છે. તમને જણાવી દઈએ કે અમદાવાદના નરેન્દ્ર મોદી સ્ટેડિયમમાં 19 નવેમ્બરે રમાયેલી ફાઈનલ મેચમાં ભારતને ઓસ્ટ્રેલિયાએ 6 વિકેટે હરાવ્યું હતું.

જીત અમારા નસીબમાં નહોતી
અશ્વિને કહ્યું કે, જીત અમારા નસીબમાં નહોતી. આ ટીમ અનુભવી હતી. દરેક જણ જાણતા હતા કે શું કરવું અને ખેલાડીઓ પ્રોફેશનલ હતા. દરેક વ્યક્તિ તેમની દિનચર્યા અને વોર્મઅપ જાણે છે. કેપ્ટન રોહિત શર્મા વિશે વાત કરતા અશ્વિને કહ્યું કે જો તમે ભારતીય ક્રિકેટ પર નજર કરશો તો બધા કહેશે કે એમએસ ધોની શ્રેષ્ઠ કેપ્ટનોમાંથી એક છે. રોહિત શર્મા એક અદ્ભુત વ્યક્તિ છે. તે ટીમના દરેકને સમજે છે. તે જાણે છે કે આપણામાંના દરેકને શું ગમે છે અને શું નાપસંદ છે.

કેપ્ટન વિશે શું કહ્યું અશ્વિને ?
અશ્વિને વધુમાં કહ્યું કે, રોહિતની સમજણ શક્તિ ઉત્તમ છે. તે દરેક સભ્યને વ્યક્તિગત રીતે જાણવાનો પ્રયાસ કરે છે. રોહિત દરેકને વ્યૂહરચના સમજાવવાનો પ્રયાસ કરે છે. ભારતીય ક્રિકેટમાં જોરદાર નેતૃત્વ કરે છે.