મહેસાણાના ઊંઝા ખાતે પહોંચેલા આરોગ્ય મંત્રી ઋષિકેશ પટેલે ડમીકાંડમાં યુવરાજસિંહની ધરપકડ મામલે મોટું નિવેદન આપ્યું છે.ઋષિકેશ પટેલે જણાવ્યું હતું કે, કોઈનું નામ નહિ લેવા કે બચાવવા જાઓ તો ખંડણીની ફરિયાદ નોધાય. આ સાથે કહ્યું કે, પોલીસ પાસે પુરાવા હશે સત્ય હશે તો તપાસ ચોક્કસ થશે.
મહેસાણાનાં ઊંઝા પહોંચ્યા ઋષિકેશ પટેલ
યુવરાજસિંહ જાડેજાની ગઈકાલે ભાવનગરમાં પૂછપરછ બાદ અટકાયત કરવામાં આવી હતી. આ તરફ હવે તેમની અટકાયત બાદ આરોગ્ય મંત્રી ઋષિકેશ પટેલે નિવેદન આપ્યું છે. ઋષિકેશ પટેલે કહ્યું છે કે, યુવરાજસિંહે કરેલા આક્ષેપો મુદ્દે પૂછપરછ થશે. એક બાજુ ડમીકાંડ કે બીજા વિષયોને લઈને સમાજમાં વાતો કરતા હોય, કોઈનું નામ નહિ લેવા માટે કે કોઈને બચાવવા માટે પ્રવૃત્તિ કરતા હોય ત્યારે સ્વાભાવિક રીતે ખંડણીની ફરિયાદ નોધાય.
ઋષિકેશ પટેલે કહ્યું હતું કે તમે ડમી કાંડ કે સમાજના બીજા વિષયોને લઈને વાત કરતા હોય એ વખતે ક્યાંક નામ નહીં લેવા માટે.. ક્યાંક કોઈને બચાવવા માટેની પ્રવૃત્તિ કરતા હોવ જો સ્વાભાવિક છે કે ખંડણીની ફરિયાદ નોંધાય. મહત્વનું છે કે, આગામી સમયમાં યુવરાજસિંહ સામે શું પગલા ભરવામાં આવે છે અને પોલીસ કઈ બાબતે તપાસ કરવામાં માગે છે તે અંગેની રજૂઆત કોર્ટમાં રિમાન્ડ મેળવતી વખતે કરી શકે છે.
ગઈકાલે યુવરાજસિંહની ધરપકડ પછી શું કહ્યું હતું રેન્જ IG એ ?
રેન્જ આઈજી ગૌતમ પરમારે પ્રેસ કોન્ફરન્સમાં જણાવ્યું કે, ગત 19મી તારીખે યુવરાજસિંહને તેમના પર થયેલા આક્ષેપો સંદર્ભે એસઓજીની ઓફિસે બોલાવવામાં આવ્યા હતાં પરંતુ તેમની તબિયત નાદુરસ્ત થવાને કારણે ફરીથી આજે 21 તારીખનો સમન્સ પાઠવવામાં આવ્યું હતું. આ સમન્સ અનુલક્ષીને યુવરાજસિંહ આજે સવારે 12 વાગે હાજર થયેલા હતાં. તેમની ઘણાં મુદ્દા પર પૂછપરછ કરવામાં આવી હતી. એસઓજીની ટીમે અને એસઆઈટીની ટીમે તેમને જે મુદ્દાઓ પર પૂછપરછ કરી જેમાં સૌ પ્રથમ તો તેમને સમય આપવામાં આવ્યો હતો તેમની જે તે ફરિયાદોને લઈ. ત્યારબાદ તેમને જણાવવામાં આવ્યું કે, તમારી પાસે ડમી કાંડ મામલે કેટલીક માહિતી છે જે બાબતે તેમણે બે જેટલા કાગળ આપ્યા છે જેમાં ડમીકાંડ મામલે કેટલાક નામો છે જે નામો ડમીકાંડમાં સામેલ હોવાની શક્યતા છે જે માહિતીનું વેરિફિકેશન કરી પોલીસ આગળની કાર્યવાહી કરશે અને જવાબદારોની ધરપકડ કરવામાં આવશે.
રેન્જ આઈજીએ જણાવ્યું કે, યુવરાજસિંહને તેમના નાંણાકિય વ્યવહારો બાબતે સતત પૂછવામાં આવતા સતત પૂછપરછ કરવામાં આવતા તેઓ ગોળ ગોળ જવાબ આપી રહ્યાં છે. તેમની સમક્ષ હકિકતો મુકવામાં આવી પોલીસ પાસે પાપ્ત થયેલી માહિતીનું વેરિફિકેશન પણ મુકવામાં આવ્યું પણ તેઓ ગોળ ગોળ જવાબ આપી રહ્યાં છે. પોલીસ પાસે જે હકિકતો પાપ્ત થઈ છે તે મુજબ યુવરાજસિંહ અને તેમના માણસોઓએ પ્રદિપ બારૈયા અને પ્રકાશ દવે પાસેથી 1 કરોડ જેટલી માતબર રકમ જબરદસ્તીથી કઢાવી લીધી છે જે માહિતીને અનુલક્ષી અને યુવરાજસિંહની સ્પષ્ટતા બાદ હકીકતોને અનુલક્ષીને આજે યુવરાજસિંહ અને અન્ય માણસોની વિરૂદ્ધ આજે ભાવનગરના નીલમબાગ પોલીસ સ્ટેશનમાં આઈપીસી 386 અને 388 તેમજ 120 બી મુજબનો ગુનો દાખલ કરાયો છે.
