ક્રિકેટમાં ચર્ચા / સારા કામમાં સો વિઘ્ન! ટીમ ઈન્ડિયાના ક્રિકેટર રિંકુ સિંહ લગ્ન બંધ રહ્યાં, અચાનક શું બન્યું?

ભારતીય ક્રિકેટર રિંકુ સિંહ અને સમાજવાદી પાર્ટીના સાંસદ પ્રિયા સરોજના લગ્ન, જે 19 નવેમ્બરના રોજ થવાના હતા, તે હવે મુલતવી રાખવામાં આવ્યા છે.જુનની શરુઆતમાં રિંકુ સિંહ અને પ્રિયા સરોજની સગાઈ થઈ હતી. જુનની શરુઆતમાં આ કપલે લખનઉમાં સગાઈ કરી હતી જેમાં સમાજવાદી પાર્ટીના પ્રમુખ અને યુપીના ભૂતપૂર્વ મુખ્યમંત્રી અખિલેશ યાદવ, અભિનેત્રી જયા બચ્ચન અને ભારતીય ઝડપી બોલર ભુવનેશ્વર કુમાર હાજર રહ્યાં હતા.

લગ્ન મોકૂફીનું શું કારણ

રિંકુ અને પ્રિયાના લગ્ન નવેમ્બરમાં નક્કી થયાં હતા પરંતુ નવેમ્બરમાં રિંક સિંહ ઘણું બધું ક્રિકેટ રમવાનો છે જેને કારણે તેને લગ્ન માટે ટાઈમ મળી શકે તેમ નથી તેથી તેના લગ્ન બંધ રખાયાં હતા. ઉલ્લેખનીય છે કે 8 જૂનના રોજ રિંકુ અને પ્રિયાએ લખનઉમાં સગાઈ કરી હતી.

ક્યારે થશે લગ્ન

રિંકુ અને પ્રિયાના લગ્ન હવે ફેબ્રુઆરી 2026માં થશે અને નવી તારીખ ટૂંક સમયમાં જાહેર કરવામાં આવશે. પરિવારે ૧૯ નવેમ્બર, ૨૦૨૫ ના રોજ રિંકુ અને પ્રિયાના લગ્ન માટે વારાણસીમાં તાજ હોટેલ બુક કરાવી હતી.હોટેલ હવે ફેબ્રુઆરીના અંત માટે બુક થઈ ગઈ છે પરંતુ ચોક્કસ તારીખ હજુ સુધી પુષ્ટિ મળી નથી.

વધુ વાંચો : 11A સીટનો ચમત્કાર, 27 વર્ષ પહેલા પણ આ સીટે જ બચાવ્યો હતો જીવ, એવું તો શું છે આ સીટમાં?

કોણ છે રિંકુ સિંહ-પ્રિયા

ભારતીય ક્રિકેટમાં લોકપ્રિય વ્યક્તિ રિંકુ વિશે વાત કરીએ તો, તે તાજેતરમાં સમાપ્ત થયેલી 2025 ની ઇન્ડિયન પ્રીમિયર લીગ (IPL) માં કોલકાતા નાઈટ રાઇડર્સ (KKR) વતી રમ્યો હતો. પ્રિયા સરોજ પહેલી વાર સંસદ સભ્ય બન્યા છે, જેમણે 2024ની સામાન્ય ચૂંટણીમાં સમાજવાદી પાર્ટીની ટિકિટ પર મછલીશહર બેઠક જીતી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ