આવું ખરેખર ના કરાય / સેલવાસમાં કંડક્ટર યુવતીએ ગળેફાંસો ખાધો, રાજકોટમાં નિવૃત મામલતદારની પુત્રીએ જીવન ટૂંકાવ્યું, કારણ ચોંકાવનારું

• રાજકોટમાં નિવૃત્ત મામલતદારની પુત્રીનો આપઘાત
• યુવતીએ જાહેરમાં કર્યું અગ્નિ સ્નાન
• સેલવાસમાં યુવતીનો આપઘાત

રાજ્યમાં હવે આપઘાતના બનાવો વધતા હોય તેવું જણાઈ રહ્યું છે આજે આપઘાતની બે ઘટના પ્રકાશમાં આવી છે. રાજકોટમાં નિવૃત્ત મામલતદારની પુત્રીએ આપઘાત કર્યો છે તો બીજી તરફ વલસાડના સેલવાસમાં સિટી બસમાં નોકરી કરતી યુવતીએ જીવન ટૂંકાવ્યું છે.

રાજકોટમાં યુવતીનો અગ્નિસ્નાન 
રાજકોટમાં નિવૃત્ત મામલતદારની પુત્રીએ આપઘાત કર્યાની ઘટના સામે આવી છે. MBBSની ડિગ્રીના એક સર્ટિફિકેટમાં વિલંબ થતા આપઘાત કર્યોની વિગતો છે. હેતલ ભોજાણી નામની યુવતીએ જાહેરમાં આપઘાત કર્યો છે. વિગતો મુજબ યુવતીએ જાહેરમાં અગ્નિ સ્નાન કરીને જીવન ટૂકાવ્યું છે. ઋષિ વાટીકાનો બનાવ છે તેમજ દિકરીના મોતથી પરિવારમાં શોકનું મોજું ફરી વળ્યું છે.

સેલવાસમાં યુવતીનો આપઘાત
સેલવાસમાં સિટી બસમાં નોકરી કરતી યુવતીએ આપઘાત કર્યો છે. સરસ્વતી નામની યુવતીએ ગળે ફાંસો ખાઈ જીવન ટૂંકાવ્યું છે. અત્રે તમને જણાવી દઈએ કે, યુવતી પર બસમાં ટિકિટના પૈસાની ચોરીનો આરોપ લાગ્યો હતો. યુવતીના આપઘાત બાદ સ્માર્ટ સિટી બસ પ્રોજેક્ટના કર્મીઓ હડતાળ પર ઉતર્યા છે, આરોપને લઈને યુવતીને નોકરીમાંથી બરતરફ કરાઈ હતી અને સંચાલકે યુવતી સાથે ગેરવર્તન કર્યું હોવાનું સામે આવ્યું હતું